20-fevral kuni Toshkent shahar Ichki ishlar bosh boshqarmasida o‘tkazilgan “Axborot-texnologiyalari sohasidagi jinoyatlarning turlari va himoyalanish usullari” mavzusida brifing o‘tkazildi. Bu haqda tadbirda ishtirok etgan “Daryo” muxbiri xabar bermoqda.
Brifingda kiberjinoyatlarning kelib chiqishi bo‘yicha turlari haqida ma’lumot berilib, ularning aksariyati telefon raqamga hech kimga bermaslik to‘g‘risidagi ogohlantirish bilan keladigan maxsus kod orqali sodir etilayotgani qayd etildi.
Aytilishicha, maxsus kod raqamlari orqali quyidagi uslublardan foydalangan holda jinoyat sodir etilmoqda:
- o‘zini bank yoki mobil to‘lov tizimi xodimi deb tanishtirib, plastik kartaga hakerlar hujumi uyushtirilayotganini aytib ishontirish;
- foizsiz kredit kabi qiziqish uyg‘otuvchi feyk xabarlarni bank yoki to‘lov tizimlarining soxtalashtirilgan sayti havolalarida yoritish;
- OLX platformasida arzon narxdagi turli buyumlarni savdoga qo‘yish orqali fuqarolar qiziqishini uyg‘otish;
- onlayn savdo bilan shug‘ullanuvchi “E-Shop” internet-do‘konlarining soxta ilovalarida fuqarolarni aldov yo‘li bilan ro‘yxatdan o‘tkazdirish;
- davlat tomonidan moddiy yordam berilayotgani haqidagi yolg‘on ma’lumotlarni hukumat idoralarining soxtalashtirilgan veb-saytlari havolalari orqali yoritish.
Bundan tashqari, ba’zi fuqarolar o‘zini treyderlik bilan shug‘ullanuvchi shaxs deb tanishtirib, pullarini ikki baravar ko‘paytirib berishini aytgan firibgarlarga aldanmoqda. Shuningdek, jinoyatchilar:
- xonadonni ijaraga berish haqida yolg‘on e’lon berish;
- viloyatlararo kirakashlik qiluvchi haydovchilarga kartadagi pulni naqd qilib qaytarishini aytish;
- PUBG, World of Tanks o‘yinlarida kuchaytirilgan akkauntlarni savdoga qo‘yish;
- arzon tilla buyumlar sotishini aytib, fuqarolarning ishonchiga kirish orqali pullarni o‘zlashtirmoqda.
Izoh (0)