Shavkat Mirziyoyev 20-fevral kuni rasmiy tashrif bilan Qohira shahriga keldi.
Misr poytaxtining xalqaro aeroportida davlat rahbarining tashrifi munosabati bilan ikki mamlakat bayroqlari ko‘tarildi, faxriy qorovul saf tortdi.
O‘zbekiston yetakchisini Misr arab respublikasi prezidenti Abdulfattoh as-Sisi kutib oldi va samimiy qutladi. Davlat rahbarlarining qisqa uchrashuvi bo‘lib o‘tdi.
Bugun davlat rahbari Qohirada buyuk alloma Ahmad Farg‘oniy tomonidan barpo etilgan “Miqyos an-Nil” inshootiga tashrif buyuradi va Misr sivilizatsiyasi milliy muzeyi bilan tanishadi.
Ushbu mamlakat yetakchi kompaniyalari va moliyaviy tuzilmalari rahbarlari bilan uchrashuv o‘tkaziladi. Tashrifning asosiy tadbirlari, shu jumladan, oliy darajadagi muzokaralar ertaga, 21-fevral kuniga mo‘ljallangan.
Izoh (0)