YCHL. “Borussiya D” “Chelsi” ustidan minimal g‘alabaga erishdi, “Benfika” safarda “Bryugge”ni mag‘lub etdi

Futbol bo‘yicha Chempionlar Ligasining nimchorak finalidan o‘rin olgan ikki o‘yin 15-fevral, chorshanba kuni bo‘lib o‘tdi.

Germaniyaning “Borussiya D” jamoasi o‘z maydonida Angliyaning “Chelsi” klubini qabul qildi. Birinchi bo‘limda darvozalar ishg‘ol etilmadi. Ikkinchi bo‘limda dortmundliklar Karim Adeyemi tomonidan urilgan gol evaziga g‘alabani ilib ketdi.

“Benfika” esa safarda “Bryugge”ga qarshi bahs olib bordi va 2:0 hisobida zafar quchdi. Portugaliyaliklar safida Joau Mariu va David Neresh o‘z hisobiga gol yozdirib qo‘ydi.

Jamoalar o‘rtasidagi javob o‘yinlari 7-mart sanasida bo‘lib o‘tadi. 

YCHL

Nimchorak final bahslari

15-fevral, chorshanba

“Borussiya D” – “Chelsi” 1:0

Gol: 1:0 – 63 Adeyemi.

“Borussiya D”: Kobel, Zyule, Shlotterbek, Gerreyru, Brandt, Jan, Ozjan, Bellinghem, Volf (Ryuerson, 73), Aller (Modest, 68), Adeyemi (Bayno-Gittens, 79).

“Chelsi”: Arrisabalaga, Jeyms, Tiago Silva, Kulibali, Chiluell (Maunt, 71), Ziyosh, Loftus-Chik, Mudrik (Kukurelya, 71), Fernandes, Haverts, Joau Feliks.

Ogohlantirishlar: Jeyms (9), Tiago Silva (16), Bellinghem (49), Jan (53), Ziyosh (72), Adeyemi (77), Ozjan (85), Ryuerson (90), Maunt (90), Zyule (90).

“Bryugge” – “Benfika” 0:2

Gollar: 0:1 – 51 Joau Mariu (penalti), 0:2 – 88 Neresh.

“Bryugge”: Minyole, Mata, Mexele, Hendri, Meyer, Odoi (Nilsen, 65), Vanaken, Nvadike, Lang, Soua (Jujla, 79), Byukenen.

“Benfika”: Vlahodimos, Ba, Otamendi, Antoniu Silva, Grimaldo, Joau Mariu (Joau Nevesh, 90), Rafa Silva (Neresh, 65), Eursnes, Shikinyu, Florentinu, Gonsalu Ramush (Gedesh, 65).

Ogohlantirishlar: Odoi (9), Soua (29), Otamendi (43).