“Taqdir hazili yoki qushdek yengil bo‘ling” filmida Nadya rolini ijro etgan polshalik aktrisa Barbara Brilskaning filmdagi sahnalari kesib tashlanishi mumkin. Bu haqda “Korrespondent.ru” xabar berdi.
.jpg)
Mashhur rossiyalik aktrisa hamkasbi Liya Axedjakovani qo‘llab-quvvatladi, u Rossiyaning Ukrainaga qarshi urush pozitsiyasini qoralagani uchun “Sovremennik” teatridan ham haydaldi.
Aktrisa o‘z hamkasbining fikriga to‘liq qo‘shilishini va Rossiyani Liya Axedjakova kabi aktrisaga ega bo‘lishga noloyiq deb hisoblashini aytgan.
“Liya, davom et. Bunaqa vatan unga loyiq emas. Albatta, u ketishi kerak. Ular jonini bermaydi, bu kommunistlar, Xudoning qahriga uchragan insonlar. Ular ketib, biz kabilar kurashishi kerak”, — deydi Barbara Brilska.
Bu so‘zlardan so‘ng Rossiya Federatsiyasining jamiyat farovonligi bo‘yicha qo‘mitasi rahbari Olga Zanko aktrisani qariyb 50 yil avval premyerasi bo‘lib o‘tgan filmdagi sahnalarini qirqib tashlab, “jazolash”ni taklif qildi.
“Aktyor uchun eng og‘ir jazo — unutilish. Bir paytlar butun mamlakatning sevgisiga sazovor bo‘lgan aktrisa Brilska o‘z muxlislarini “Xudoning qahriga uchragan insonlar” deb o‘z tanlovini amalga oshirdi. Mamlakatimiz unga shon-sharaf va maqtov berdi, biroq biz ham uni osonlik bilan o‘chirib tashlashimiz mumkin. Bu videoda neyron tarmog‘i orqali “Taqdir hazili yoki qushdek yengil bo‘ling” filmi aktrisasiz qanday ko‘rinishini ko‘rsataman. Aktrisani filmning boshidan oxirigacha unga ovoz bergan Valentina Talizina bilan almashtirdim (bu ishni o‘zim qildim, professionallar buni yanada ishonarliroq qiladi)”, — deb yozgan Olga Zanko o‘z Telegram’dagi kanalida.
Izoh (0)