“O‘zsuvtaʼminot” AJ tizimida 2022-yilda qariyb 46 milliard so‘mlik xato va kamchiliklarga yo‘l qo‘yilgan. Bu haqda AOKAda o‘tkazilgan brifingda ma‘lum qilindi.
Brifingda mazkur aksionerlik jamiyati axborot xizmati rahbari Akmal Murodov 2022-yilda tizimida korrupsiyaga qarshi kurashish borasida amalga oshirilgan ishlar yuzasidan maʼlumot berdi.
Uning so‘zlariga ko‘ra, aniqlangan kamomad va o‘zlashtirishlar bo‘yicha jami 6,3 milliard so‘m miqdoridagi mablag‘ va tovar-moddiy boyliklar Jamiyat hamda uning hududiy korxonalarining hisob-raqamlariga undirilgan.
25,4 milliard so‘mlik kamomad, o‘zlashtirish va talon-toroj holatlari bo‘yicha jami 117 ta hujjat qonuniy chora ko‘rish uchun huquqni muhofaza qiluvchi organlarga yuborilgan.
Izoh (0)