Lot Polish Airlines aviakompaniyasi vitse-prezidenti Mixal Fiyol Varshava va Toshkent o‘rtasida muntazam qatnovlarni ham yo‘lga qo‘yish rejalashtirilayotganini ma’lum qildi.
Qayd etilishicha, kompaniya Polsha fuqaro aviatsiyasi ma’muriyatidan barcha kerakli ruxsatnomalarni olgan. Bu mamlakatlar o‘rtasidagi aloqalarni chuqurlashtirish va o‘zaro sayyohlar sonini oshirish maqsadida amalga oshirilmoqda.
“Havo qatnovining ochilish masalasi ijobiy yechim topishida elchixona va O‘zbekiston Transport vazirligi bilan o‘tkazilgan muzokaralarning salmog‘i katta bo‘ldi”, — deydi Mixal Fiyol Varshavadagi diplomatiya korpusi vakillari bilan o‘tkazilgan maxsus tadbirda.
Shuningdek, tadbir doirasida O‘zbekiston diplomatlari Polsha taraqqiyot va texnologiyalar vaziri Valdemar Buda bilan uchrashuv o‘tkazgan. Muloqot chog‘ida O‘zbekiston Polshaning Markaziy Osiyo mintaqasidagi eng muhim, istiqbolli va uzoq muddatli hamkori ekanligi ta’kidlangan. Polsha tomoni savdo-iqtisodiy sohadagi o‘zaro manfaatli sheriklikni kengaytirish, xususan, mamlakatimizga sarmoya va yangi texnologiyalarni jalb etishdan manfaatdor ekanligini ma’lum qilgan.
Izoh (0)