Suratga olish kamdan kam hollarda muammosiz o‘tadi. Ba’zida aktyorlar rejissorning o‘z qahramonlari haqidagi tasavvuriga qo‘shilmaydi. Bunday holatda film yo hitga aylanadi yoki kassada muvaffaqiyatsizlikka uchraydi.
“Karib dengizi qaroqchilari” — Jonni Depp
Jek chittak — Jonni Depp ekranda gavdalantirgan eng esda qolarli personajlardan biri. “Karib dengizi qaroqchilari” muxlislari uchun uning o‘rnida boshqa birovni tasavvur qilish qiyin. Ammo suratga olish jarayonida Depp bu Roldan ajralib qolishiga oz qolgan, chunki uning personaj haqidagi tasavvuri rejissorning xohishiga to‘g‘ri kelmaydi. Ammo Depp o‘z so‘zida turib oldi va film haqiqatan ham ajoyib chiqdi.
“Garri Potter” — Jeyson Ayzeks
Jeyson Ayzeks boshidanoq uning obrazi maggl standartlariga mos kelmasligi kerakligini bilardi. Shuning uchun u dizaynerlar taklif qilgan chiziqli kostyum va kalta oq-qora parik kiyishdan bosh tortadi. Ayzeksning so‘zlariga ko‘ra, u magllarga o‘xshab kiyinishni istamaydi.
Buning o‘rniga, Ayzeksning qahramoni uzun oq soch va sehrgarlarning klassik kostyumini kiyishi kerakligini taklif qiladi. Endi esa Lyutsis Malfoyni boshqacha tasavvur qilish qiyin.
“Cho‘qintirgan ota” — Al Pachino
.jpg)
Al Pachino “Cho‘qintirgan ota” kriminal dramasida Maykl Korleone rolini o‘ynagach, kino tarixiga kiradi. Ammo suratga olish jarayonida aktyor studiya talablariga rozi bo‘lmagani uchun uni deyarli uch marta ishdan bo‘shatishadi. Maykl Korleone oddiy gangster kabi ko‘rinishi va harakat qilishi kerak edi. Ammo Al Pachino uni xotirjam va ehtiyotkor odam sifatida ko‘radi.
“Temir odam 3” – kichik Robert Dauni
Shubhasiz, Temir odam Marvel olamidagi eng ajoyib qahramonlardan biri. Bunga sabab kichik Robert Dauni o‘z qahramonini yaratishda qilgan sa'y-harakatlari bo‘lgan. Filmni suratga olish jarayonida aktyor obrazidan chiqmasdan, personajiga yangi gaplar o‘ylab topish uchun suratga olish orasida tez-tez tanaffus qiladi.
“Murtadlar” — Jek Nikolson
Dastlab Jek Nikolson qahramoni ekranda kam ko‘rinadi, shuning uchun aktyor filmda ishtirok etish taklifini rad etadi. Ammo vaqt o‘tishi bilan Martin Skorseze bu qahramon haqidagi tasavvurini qayta ko‘rib chiqadi va Nikolson bilan birgalikda ko‘plab tomoshabinlar eslab qoladigan ajoyib qahramonni yaratdilar.
“Juda g‘alati ishlar” — Deykr Montgomeri
Aktyor Deykr Montgomeri qahramoni Billi yanada ishonchli bo‘lishi uchun yovuz odam haqidagi tasavvurini butunlay o‘zgartirdi.
Prodyuserlar bilan birgalikda Billining o‘tmishidan tomoshabinlar qalbida aks-sado berishi mumkin bo‘lgan sahnalarni o‘ylab topishdi. “Eng muhim element — Billining biologik onasi edi. Men ssenariyga qahramonning o‘tmishi, ayniqsa onasi uni tashlab ketgani va shu tariqa unga chuqur psixologik travma keltirgan sahnani kiritishni talab qildim”, — deydi aktyor.
“Rokki” — Silvestr Stallone
Stallone film ssenariysini 3 kun ichida yozib, prodyuserlarga ko‘rsatadi. Ularga hikoya yoqadi, lekin unoma'lum aktyorni bosh rolga olishni umuman rejalashtirmagan. Boz ustiga Silvestrga filmda o‘ynamaslik sharti bilan ssenariy uchun 360 ming dollar taklif qilishadi. Ammo aktyor zo‘rg‘a kun kechirishiga qaramay, pulni rad etadi. Natijada prodyuserlar Stallone bilan kelishishiga to‘g‘ri keladi — film 3 ta “Oskar”ni qo‘lga kiritadi va aktyorning o‘zi ham ushbu nufuzli mukofotga nomzod bo‘ladi.
Izoh (0)