Yoqimtoy shalpangquloq qahramonning sarguzashtlari haqidagi oilaviy film tomoshabinlar qalbidan joy oldi. AdMe nashri muhabbat, mehr va rahm-shafqatni o‘rgatuvchi bu rang-barang filmning sahna ortida qanday sirlar qolganini bilishga qaror qildi.
Cheburashkaga “Oshxona” seriali yulduzi ovoz berdi
Cheburashkaning ovozi va yuz ifodalarini “Oshxona” teleseriali aktrisasi Olga Kuzmina bergan. Kutilmaganda rejissor Dmitriy Dyachenko unga qo‘ng‘iroq qilib, undan g‘alati narsani iltimos qiladi: Cheburashka ovozi bilan audioxabar yuborish lozim edi.
Olga audioyozuvni yuboradi, ammo keyinchalik bu voqeani unutadi. Biroz vaqt o‘tgach, kasting menejerlari aktrisa bilan bog‘lanib, uni yangi “Cheburashka” filmini suratga olishga taklif qilishayotganini aytishadi.
Yelena Yakovleva yovuz odamni butunlay boshqacha tarzda o‘ynashni orzu qilardi
Yelena Yakovleva ijodkorlarning shokolad magnati Rimma Shapoklyak obrazini taqdim etishga qaror qilganidan biroz hafsalasi pir bo‘ladi. Aktrisaning so‘zlariga ko‘ra, xarakter unchalik salbiy bo‘lmagan. Yelena yovuz odamni o‘ynashni xohlardi.
Shunga qaramay, u o‘z xarakterini chinakam go‘zallikka olib kelgani uchun rejissordan minnatdor. Bu rol Yakovlevaning “So‘nggi qahramon” filmidagi avvalgi ishidan farq qiladi.
Aytgancha, bu qahramonga Rimma ismi tasodifan qo‘yilgan emas: bu Eduard Uspenskiyning birinchi xotinining ismi edi, u yozuvchini Shapoklyakni yaratishga qisman ilhomlantirgan.
Ammo Sergey Garmash o‘zining qahramonidan xursand
Sergey Garmash qahramonining ismi Gennadiy bo‘lsa-da, faqat o‘xshash kostyumlargina uni multfilmdagi ochiqko‘ngil va optimistik timsoh bilan bog‘laydi. Kinoda Gena o‘z qiziga bir marta xiyonat qilgani uchun kechirib bo‘lmaydigan ma'yus bog‘bon sifatida namoyon bo‘ladi.
Rimmaning liboslaridagi rang palitrasi uning his-tuyg‘ularini aks ettiradi
Rimma liboslarining asosiy ranglari sariq va firuza — bu ranglarning turli kombinatsiyalari qahramonning hissiy holatini aks ettiradi. Film boshida uni tinch, mayin banan ranglari ustunlik qiladigan chiziqli kostyumda ko‘ramiz. Rimma Gennadiy bilan to‘qnash kelishi bilanoq, uning liboslarida firuza rangi sariq rangdan ustunlik qila boshlaydi, keyin esa to‘q ranglar bilan almashtiriladi.
Suratga olishda 6 tonna apelsin “ishtirok etgan”
Cheburashkaning apelsinli bo‘ron bilan dendariyga kelishi sahnasi uchun taxminan 6000 kg sitrus meva sotib olinadi. Mevalarning bir qismi qahramon Sergey Garmash avtomobilining g‘ildiraklari ostida ezilgan. Suratga olish ishlari amalga oshirilgach, guruh a’zolari omon qolgan mevalarni bo‘lib, uylariga olib ketishadi.
Aytgancha, to‘q sariq do‘l uchun ishlatiladigan kompyuter grafikasi sitrus mevalardan ancha qimmatga tushadi.
Rimmaning shokolad fabrikasi Eduard Uspenskiyning vatanida joylashgan
Rimma shokolad do‘koniga tekshiruv bilan kelganida, tomoshabin manzaradan ko‘z uzolmaydi. Bu kadrlar Yegoryevskdagi “Pobeda” qandolat fabrikasida suratga olingan va film uchun ishlab chiqarish jarayonini hech kim to‘xtatmagan. E’tiborlisi, yozuvchi Eduard Uspenskiy ham xuddi shu aholi punktida tug‘ilgan.
Gena haqiqiy motorollerni haydaydi
Genaning motorolleri modeli o‘tgan asrning ikkinchi yarmida mashhur bo‘lgan Ant bo‘lib, 1959-yildan beri taxminan 30 yil davomida ishlab chiqarilgan. Suratga olish uchun reklama sayti yordamida 3 ta noyob skuter sotib olinadi. Garmash ulardan ikkitasini hayday olardi, uchinchisining motori tryukli sahnalarda ishlatish uchun olib tashlashdi.
“Cheburashka”da jahon kinematografiyasining durdonalariga ko‘plab havolalar yashiringan
“Cheburashka ” ijodkorlari o‘tgan asrning eng yaxshi qadrdon filmlari yoki zamonaviy kartinalariga ishoralarni dialoglar va ssenariylarga kiritib ketishgan. Kino ixlosmandlari “Taqdir hzaili yoxud qushdek yengil bo‘ling”, “Ityurak”, “Uch mushketyor”, “Charli va shokolad fabrikasi” va hatto “Tig‘ ustidagilar” filmlariga havolalarni osongina topishi mumkin.
Izoh (0)