Суратга олиш камдан кам ҳолларда муаммосиз ўтади. Баъзида актёрлар режиссёрнинг ўз қаҳрамонлари ҳақидаги тасаввурига қўшилмайди. Бундай ҳолатда фильм ё ҳитга айланади ёки кассада муваффақиятсизликка учрайди.
“Кариб денгизи қароқчилари” — Жонни Депп
Жек читтак — Жонни Депп экранда гавдалантирган энг эсда қоларли персонажлардан бири. “Кариб денгизи қароқчилари” мухлислари учун унинг ўрнида бошқа бировни тасаввур қилиш қийин. Аммо суратга олиш жараёнида Депп бу Ролдан ажралиб қолишига оз қолган, чунки унинг персонаж ҳақидаги тасаввури режиссёрнинг хоҳишига тўғри келмайди. Аммо Депп ўз сўзида туриб олди ва фильм ҳақиқатан ҳам ажойиб чиқди.
“Гарри Поттер” — Жейсон Айзекс
Жейсон Айзекс бошиданоқ унинг образи маггл стандартларига мос келмаслиги кераклигини биларди. Шунинг учун у дизайнерлар таклиф қилган чизиқли костюм ва калта оқ-қора парик кийишдан бош тортади. Айзекснинг сўзларига кўра, у маглларга ўхшаб кийинишни истамайди.
Бунинг ўрнига, Айзекснинг қаҳрамони узун оқ соч ва сеҳргарларнинг классик костюмини кийиши кераклигини таклиф қилади. Энди эса Люцис Малфойни бошқача тасаввур қилиш қийин.
“Чўқинтирган ота” — Ал Пачино
.jpg)
Ал Пачино “Чўқинтирган ота” криминал драмасида Майкл Корлеоне ролини ўйнагач, кино тарихига киради. Аммо суратга олиш жараёнида актёр студия талабларига рози бўлмагани учун уни деярли уч марта ишдан бўшатишади. Майкл Корлеоне оддий гангстер каби кўриниши ва ҳаракат қилиши керак эди. Аммо Ал Пачино уни хотиржам ва эҳтиёткор одам сифатида кўради.
“Темир одам 3” – кичик Роберт Дауни
Шубҳасиз, Темир одам Marvel оламидаги энг ажойиб қаҳрамонлардан бири. Бунга сабаб кичик Роберт Дауни ўз қаҳрамонини яратишда қилган саъй-ҳаракатлари бўлган. Фильмни суратга олиш жараёнида актёр образидан чиқмасдан, персонажига янги гаплар ўйлаб топиш учун суратга олиш орасида тез-тез танаффус қилади.
“Муртадлар” — Жек Николсон
Дастлаб Жек Николсон қаҳрамони экранда кам кўринади, шунинг учун актёр фильмда иштирок этиш таклифини рад этади. Аммо вақт ўтиши билан Мартин Скорсезе бу қаҳрамон ҳақидаги тасаввурини қайта кўриб чиқади ва Николсон билан биргаликда кўплаб томошабинлар эслаб қоладиган ажойиб қаҳрамонни яратдилар.
“Жуда ғалати ишлар” — Дейкр Монтгомери
Актёр Дейкр Монтгомери қаҳрамони Билли янада ишончли бўлиши учун ёвуз одам ҳақидаги тасаввурини бутунлай ўзгартирди.
Продюсерлар билан биргаликда Биллининг ўтмишидан томошабинлар қалбида акс-садо бериши мумкин бўлган саҳналарни ўйлаб топишди. “Энг муҳим элемент — Биллининг биологик онаси эди. Мен сценарийга қаҳрамоннинг ўтмиши, айниқса онаси уни ташлаб кетгани ва шу тариқа унга чуқур психологик травма келтирган саҳнани киритишни талаб қилдим”, — дейди актёр.
“Рокки” — Сильвестр Сталлоне
Сталлоне фильм сценарийсини 3 кун ичида ёзиб, продюсерларга кўрсатади. Уларга ҳикоя ёқади, лекин уномаълум актёрни бош ролга олишни умуман режалаштирмаган. Боз устига Сильвестрга фильмда ўйнамаслик шарти билан сценарий учун 360 минг доллар таклиф қилишади. Аммо актёр зўрға кун кечиришига қарамай, пулни рад этади. Натижада продюсерлар Сталлоне билан келишишига тўғри келади — фильм 3 та “Оскар”ни қўлга киритади ва актёрнинг ўзи ҳам ушбу нуфузли мукофотга номзод бўлади.
Изоҳ (0)