Ko‘plab mashhurlar raqsga tushish, qo‘shiq aytish yoki aktyorlik iste’dodiga ega bo‘lishi mumkin. Ammo mashhurlar orasida o‘zining yashirin iste’dodi bilan tomoshabinlarni hayratda qoldirganlari ham bor. The Voice nashri mashhurlarning yashirin iste’dodlari haqida ma’lumot berdi.
.jpg)
Anjelina Joli — pichoq otish
Ba’zi aktyorlar suratga olish jarayonlariga mahorat bilan tayyor holda keladi, ba’zilari esa yangi narsalarni o‘rganishadi. Anjelina Joli ikkinchi guruhga tegishli mashhurlardan biri. Aktrisa “Lara Kroft: Daxma talonchisi” janridagi film ustida ishlayotganda, pichoq otish bo‘yicha o‘z iste’dodini ochib berdi, u bu ishni juda yaxshi bajardi. Hattoki insayderlar Bred Pitt rafiqasi bilan birga yashaganida, undan qo‘rqishini aytgan.
Jastin Biber — kubik-rubik terish
Mashhur xonanda Jastin Biber bu jumboqni juda tez yechadi, u kubik-rubikni ikki daqiqadan kamroq vaqt ichida tera oladi. Albatta, xonanda kubik-rubik terish bo‘yicha jahon rekordi – 3,47 soniyani yangilay olmaydi, biroq bu havaskor inson uchun juda yaxshi natija.
Haydi Klum – yodl
Taniqli model Haydi Klum uzoq vaqt davomida iste’dodlar shousining hakamlar hay’ati a’zosi bo‘lib keladi, ammo uning o‘zi ham bu shouda ishtirok etishi mumkin edi. Haydi so‘zsiz qo‘shiq aytishning o‘ziga xos uslubiga ega, model ovoz registrlarini tez almashtirish — yodl uslubida kuylay oladi.
Endryu Garfild – gimnastika
Endryu Garfild “O‘rgimchak odam” rolini ijro etgunga qadar uzoq yo‘lni bosib o‘tgan. Aktyor bolaligida gimnastika bilan shug‘ullangan va hali ham ushbu sport turida juda yaxshi. Garfildning mahorati “O‘rgimchak odam” rolini o‘ynaganida juda qo‘l keldi, chunki u haqiqatan ham xavfli bo‘lgan tryuk va saltolardan tashqari ko‘plab ishlarni bajara olar edi.
Jina Devis — kamondan otish
“Bitljus”, “Telma va Luiza” filmlari bilan tanilgan aktrisa 41 yoshida kamondan otish sport turi bilan shug‘ullana boshlagan. Jina ikki yillik mashg‘ulotlardan so‘ng hatto 2000-yilgi yozgi Olimpiada o‘yinlarida Avstraliya terma jamoasi tarkibiga kirishga harakat qildi. Afsuski, u o‘sha paytda raqiblarini yenga olmadi, biroq aktrisa hali ham o‘zi uchun kamondan otish bilan shug‘ullanadi.
Pirs Brosnan — olovni yutish
Aktyor Pirs Brosnan ekranlardagi Jeyms Bond obrazidagi sovuqqonligi bilan muxlislarni hayratda qoldirdi va shuningdek, u sirkda olqishlarga sazovor bo‘lishi ham mumkin edi. Pirs o‘smirlik chog‘ida olovni yutish tryukini bajarishni o‘rgandi va hatto sirk truppasi bilan uch yil davomida gastrollarda bo‘ldi, oxir-oqibat u o‘z hayotini kino bilan bog‘lashga qaror qildi.
Izoh (0)