O‘zbekistondagi banklar tomonidan 2022-yil davomida 203 trln so‘m miqdorida yoki o‘tgan yilga nisbatan 22 foiz ortiq kreditlar ajratilgan. Bu haqda Markaziy bank sharhidan ma’lum bo‘ldi.
-7.jpg)
Ajratilgan kreditlarning 68 foizi (137,8 trln so‘m) korporativ va 32 foizi (65,3 trln so‘m) aholiga ajratilgan kreditlar hissasiga to‘g‘ri keladi.
Kompaniyalarga berilgan kreditlarning 37 foizi (yoki 51 trln so‘mi) aylanma mablag‘larni to‘ldirish uchun ajratilgan revolver kreditlardir.
Shuningdek, ajratilgan kreditlarning 31 foizi qisqa muddatli va 69 foizi uzoq muddatli, valyutalar qirqimida esa 65 foiz kreditlar milliy valyutada va 35 foiz xorijiy valyutadagi kreditlar hissasiga to‘g‘ri keladi.
Mazkur davrda banklar tomonidan 136 trln so‘mlik kreditlar so‘ndirilgan bo‘lib, kreditni qaytarish darajasi 67 foizni tashkil etgan.
Banklarning jami kredit qo‘yilmalari qoldig‘i 2023-yil 1-yanvar holatiga ko‘ra 390 trln so‘mni tashkil etib, ularning 74 foizi korporativ kreditlar, 26 foizi chakana kreditlar hissasiga to‘g‘ri keladi.
Jami kredit portfeli qoldig‘i o‘tgan yilning mos davriga nisbatan 20 foizga yoki 63,7 trln so‘mga, xususan, korporativ kreditlar 13 foizga (32,2 trln so‘m) va aholi kreditlari 45 foizga (31,5 trln so‘m) o‘sgan.
Aholiga ajratilgan kreditlar tarkibida avtokreditlar 10,9 trln so‘mga (2021 yilga nisbatan 2 barobarga), ipoteka kreditlari 10,6 trln so‘m (30 foizga) va mikroqarzlar 6,2 trln so‘mga (1,7 barobarga) o‘sgan.
Bank tizimida muammoli kreditlar (NPL) ulushi 2023-yil 1-yanvar holatiga 3,6 foizni (14 trln so‘m) tashkil etib, o‘tgan yilning mos davriga nisbatan 1,6 foiz bandga pasaygan.
Bunda, korporativ kreditlarning NPL qismi 2022-yilda 1,3 foiz bandga pasayib, 3,5 foizni, chakana kreditlarda esa 3 foiz bandga pasayib, 3,8 foizni tashkil etgan.
Izoh (0)