Toshkentda “Suv ta’minoti” xodimi tuproq bosib qolishi oqibatida vafot etdi

Toshkent shahri Olmazor tumanida 8-fevral kuni “Suv ta’minoti” xodimi tuproq bosib qolishi oqibatida vafot etdi. Bu haqda Bosh prokuratura matbuot xizmati xabar qildi.

Qayd etilishicha, tumanning “Universitet” mahallasida “Suv ta’minoti” xodimlari aholining murojaatiga asosan, mazkur hududda 600 millimetrlik quvur yorilgani bo‘yicha nosozlikni bartaraf etish uchun kelgan. Ish jarayonida “Suv ta’minoti”da chilangar bo‘lib ishlagan T.K. (1984-yilda tug‘ilgan) tuproq bosib qolishi oqibatida halok bo‘lgan.

Voqea joyiga tergov-tezkor guruhi a’zolari kelib, hudud ko‘zdan kechirilgan. Shuningdek, holat yuzasidan sud-tibbiy ekspertizasi tayinlangan.

Hozirda mazkur vaziyat bo‘yicha Olmazor tuman prokuraturasi tomonidan tergovga qadar tekshiruv harakatlari olib borilmoqda.