Dunyo kino tarixidagi eng kassabop filmlar beshligiga kiritilgan “Avatar” filmi prodyuseri Jon Landau franshizadagi keyingi uchta film haqida ba’zi tafsilotlarni oshkor qildi.
Unga ko‘ra, Una Chaplin (“Taxtlar o‘yini” serialidagi roli bilan mashhurlikka erishgan) “Avatar 3” filmida bosh antagonist rolini o‘ynaydi. U aktyor Charli Chaplinning nabirasi bo‘lib, filmda Na’vi urug‘idan bo‘lgan jangchi va yovuz Ash qabilasining boshlig‘i Varang rolini gavdalantiradi. Jeyms Kemeron filmdagi barcha materiallarni ehtiyot chorasida sifatida oldindan suratga olgan. Film 2024-yilning dekabr oyida katta ekranlarga chiqadi.
To‘rtinchi film syujetida vaqtda ilgarilash kuzatiladi va beshinchi “Avatar” filmida Pandorada aholisi haddan tashqari ko‘payib ketishi va tabiiy resurslarning kamayishidan aziyat chekib Yerga ko‘chib o‘tadi. Davomiy filmlarning premyerasi 2026-yil va 2028-yillarda bo‘lib o‘tishi rejalashtirilgan.
Franshizaning ikkinchi filmi “Avatar: Suv yo‘li” hozirgacha dunyo bo‘ylab 2,129 milliard dollar yig‘gan. Loyiha barcha vaqtlardagi eng yuqori daromad keltirgan to‘rtinchi kinokartina hisoblanadi.
Izoh (0)