“Аватар”нинг кейинги қисмлари ҳақидаги маълумотлар ошкор қилинди
Дунё кино тарихидаги энг кассабоп фильмлар бешлигига киритилган “Аватар” фильми продюсери Жон Ландау франшизадаги кейинги учта фильм ҳақида баъзи тафсилотларни ошкор қилди.
Унга кўра, Уна Чаплин (“Тахтлар ўйини” сериалидаги роли билан машҳурликка эришган) “Аватар 3” фильмида бош антагонист ролини ўйнайди. У актёр Чарли Чаплиннинг набираси бўлиб, фильмда Наъви уруғидан бўлган жангчи ва ёвуз Аш қабиласининг бошлиғи Варанг ролини гавдалантиради. Жеймс Кемерон фильмдаги барча материалларни эҳтиёт чорасида сифатида олдиндан суратга олган. Фильм 2024 йилнинг декабрь ойида катта экранларга чиқади.
Тўртинчи фильм сюжетида вақтда илгарилаш кузатилади ва бешинчи “Аватар” фильмида Пандорада аҳолиси ҳаддан ташқари кўпайиб кетиши ва табиий ресурсларнинг камайишидан азият чекиб Ерга кўчиб ўтади. Давомий фильмларнинг премераси 2026 йил ва 2028 йилларда бўлиб ўтиши режалаштирилган.
Франшизанинг иккинчи фильми “Аватар: Сув йўли” ҳозиргача дунё бўйлаб 2,129 миллиард доллар йиғган. Лойиҳа барча вақтлардаги энг юқори даромад келтирган тўртинчи кинокартина ҳисобланади.
