“Oila” seriali uzoq vaqtdan beri televideniyeda ko‘rinmayotgan ikki mashhur turk aktyorini ekranlarga qaytarmoqda. Loyihada bosh rolni ijro etishi rejalashtirilayotgan Serenay Sarikaya oxirgi marta 2018-yilda “Fi Chi Pi” serialida, aktyor Kivanch Tatlitug‘ esa 2019-yilda “To‘qnashuv” televizion loyihasida suratga tushgan.
Kivanch Tatlitug‘ — Turkiyaning eng mashhur aktyorlaridan biri, u yuqori daromad keltirgan va eng muvaffaqiyatli televizion loyihalarda rol o‘ynagan. Aktyorning muxlislari uning ijodini mehr va hayrat bilan kuzatib boradi. Kivanchning 4 yil davomida raqamli loyihalarda suratga tushgani hisobga olinganda, uning “Oila” nomli yangi seriali bilan teleekranlarga qaytishi katta shov-shuvga sabab bo‘lmoqda. Aktyor hamma intiqlik bilan kutayotgan yangi shov-shuvli serialdan oldin bir nechta loyihalarda ishtirok etgan.
Kivanch Tatlitug‘ — shubhasiz turk kinosining eng go‘zal va mashhur aktyorlaridan biri. Uning deyarli har bir loyihasi katta muvaffaqiyatga erishgan va bir necha mavsum davomida tomoshabinlarni televizor ekranlarga mixlab qo‘ygan.
Kivanch Serenay Sarikaya bilan birga rol o‘ynashi kutilayotgan yangi loyihadan oldin ko‘plab muvaffaqiyatli loyihalarda rol ijro etgan. Aktyorning aksariyat muxlislari uchun bu loyihalar uzoq vaqtdan beri ma’lum va eng sevimli turk seriallari qatoriga kirgan.
Sobiq sportchi, Best Model of Turkey va Best Model of World tanlovlari g‘olibi ishtirok etgan birinchi loyiha “Kumush” oilaviy loyihasi bo‘lib, unda aktrisa Songul Oden bilan birga rol o‘ynab, Mehmet ismli obrazni gavdalantirgan. Serial juda mashhur bo‘lib, 2005-yildan 2007-yilgacha 2 mavsumda davom etgan.
Bu ko‘plab sinovlardan o‘tgan Mehmet va Kumushning muhabbati haqidagi oilaviy drama edi. Juftlikning sevgi tarixi boy va nufuzli Shado‘g‘lu oilasida sodir bo‘lgan voqealar fonida, ularning oilaviy sirlari, intrigalari, zo‘ravonliklari va yarashuvlari aks etgan voqealarni o‘z ichiga oladi.
Aktyor “Qora dengizdagi amerikaliklar 2” nomli uncha mashhur bo‘lmagan loyihada suratga tushganidan so‘ng 2007—2008-yillarda televizor ekranlarida namoyish etilgan “Menekshe va Xalil” shov-shuvli serialida rol o‘ynadi. Uning serialdagi partnyori Sedef Aji edi. Bosh qahramonlarning ism-shariflari keltirilgan serial sevgisini asrash uchun taqdir tomonidan yuborilgan barcha sinovlarga bardosh bera olgan Menekshe va Xalilning imkonsiz sevgisi haqida hikoya qiladi. Afsuski, ularning sevgi hikoyasi fojiali tugaydi, Xalil vafot etadi.
Har yili turk telekanallaridan birida namoyish etiladigan va turk kinosining klassikasiga aylangan eng mashhur, turklar tomonidan sevib tomosha qilinadigan “Taqiqlangan sevgi” seriali Kivanchga dunyo miqyosida shuhrat keltirgan loyiha hisoblanadi. Serial dunyoning ko‘plab mamlakatlarida namoyish etilgan. Ushbu loyihada Kivanchning partnyori Beren Saat bo‘ldi.
Kivanch keyingi loyihada bosh rolni ijro etmadi, biroq u yaratga obraz mashhur bo‘ldi. Ushbu loyiha 2009—2011-yilda namoyish etilgan, aktyor Sekiz obrazini gavdalantirgan “Ezel” seriali edi.
Aktyor oradan bir yil o‘tib, “Kuzey-Guney” serialida bosh rolda Bugra Gyulsoy va Oykyu Karayel bilan suratga tushdi. Serial xarakter va hayot maqsadlariga to‘g‘ridan to‘g‘ri qarama-qarshi bo‘lgan ikki aka-uka Kuzey va Guneyning og‘ir taqdiri haqida hikoya qiladi. Serial 2 yil davomida tomoshabinlarni o‘ziga jalb qildi. Loyiha 2011—2013 yillarda namoyish etilgan.
Uning kino karyerasidagi keyingi loyiha turk tomoshabinlari tomonidan yuqori baholanmagan “Kurt Seyit va Aleksandra” seriali edi. Serialda Farah Zaynep Abdulla uning partnyoriga aylandi. Ofitser va Sankt-Peterburgning oliy zodagonligi vakilining sevgi hikoyasi tarixiy: Rossiyadagi inqilob, immigratsiyaning og‘ir yillari va vaqt sinoviga dosh bermagan, biroq Kurt va Shura qalblarida abadiy qolgan sevgi haqidagi voqealarni aks ettiradi.
Ikki yillik tanaffusdan so‘ng Kivanch Tuba Buyukustun bilan birga rol o‘ynagan “Jasur va go‘zal” serialida suratga tushdi. Serial qasosdan tug‘ilgan sevgi haqida hikoya qiladi.
Kivanch ishtirok etgan loyihalar haqida gapirilar ekan, 2018-yilda suratga olingan ajoyib “Qani bo‘l, o‘g‘lim” filmini tilga olmay bo‘lmaydi. Ushbu loyiha autizm kasalligiga chalingan o‘g‘li Efeni yolg'iz o'zi tarbiyalayotgan otaning ta’sirchan hikoyasini o‘z ichiga oladi. Farzandining musiqiy qobiliyatini payqagan Ali uni rivojlantirish uchun qo‘lidan kelgan hamma narsani qiladi.
Kivanch ishtirokidagi so‘nggi teleserial — “To‘qnashuv” loyihasi, unda aktyor politsiya komissari rolini ijro etdi va aktrisa Elchin Sangu bilan partnyor bo‘ldi. Avtohalokat to‘rt xil inson: o‘g‘irlangan qizini qutqarish uchun pul o‘g‘irlashga majbur bo‘lgan bank xodimi Zeynep (loyihada bu rolni Elchin Sangu o‘ynagan), uning advokati Zeynep (Melisa Asli Pamuk ijrosida), o‘g‘ri Kerem (Alperen Duymaz gavdalantirgan obraz) politsiya komissari Kadir ( serialda ushbu obrazni Kivanch Tatlitug‘ ijro etgan) taqdirini bir-biriga bog‘laydi.
Aktyor 4 yillik tanaffus davomida reklama kompaniyalari loyihalarida suratga tushishni, shuningdek aktyorlik faoliyatini davom ettirdi va raqamli, qo‘shma xorijiy loyihalar: “Istanbulga qilingan oxirgi qo‘ng‘iroq” (AQSh, Turkiya hamkorligida), “Asiklar Bayrami” ( Netflix mahsuloti), “Yakamoz 245 suv osti kemasi”da ishtirok etdi. Hozirda aktyor barcha intiqlik bilan kutayotgan “Oila” seriali bilan ekranlarga qaytishga hozirlik ko‘rmoqda.
Izoh (1)
кимга кераги бор бу нусхани.