Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi

Ukraina tashqi ishlar vaziri Dmitriy Kuleba Isroil sobiq bosh vaziri Naftali Bennetning Rossiya yetakchisi Vladimir Putin unga Vladimir Zelenskiyni o‘ldirmaslikka shaxsan va’da berganini aytgan intervyusiga munosabat bildirdi. 

Isroillik siyosatchi OAVga bergan intervyusida u va Putin o‘rtasida Zelenskiyning hayotiga oid suhbat 2022-yil mart oyida bo‘lib o‘tganini ta’kidlagan. Bennet o‘sha paytda Isroil Bosh vaziri lavozimida faoliyat yuritgandi. Ukraina tashqi ishlar vaziri bunday “oshkora”larga javoban ittifoqchilar Putinning “hech bir va’dasiga ishonmasligi” kerakligini eslatdi. Kuleba Rossiya rahbari “juda tajribali yolg‘onchi” ekanini aytib, ilgari Putin Qrimning daxlsizligi haqidagi va’dalarini buzganini qo‘shimcha qildi.

"O‘tmishda Putin Qrimni ishg‘ol qilmaslik, Minsk kelishuvlarini buzmaslik, Ukrainaga bostirib kirmaslik haqida va’da bergan bo‘lsa-da, bularning barchasini bajardi. U tajribali yolg‘inchi. Har safar u biror narsa qilmaslikka va’da berganida, bu uning rejasining bir qismi bo‘ladi”, — deb yozdi Kuleba Twitter’da.

Mavzuga doir:

• Ukrainalik harbiy ekspert Putin urushning bir yilligiga reja tuzganini aytdi
• “Putinning bir qancha qiyofadoshi bor” — Ukraina razvedkasi rahbari