Chilining markaziy va janubiy hududlarida sodir bo‘lgan o‘rmon yong‘inlari oqibatida kamida 22 kishi halok bo‘ldi, deb xabar bermoqda RTVE mamlakat ichki ishlar vaziri Karolina Toaga tayanib.
Vazirning ta’kidlashicha, halok bo‘lganlarning aksariyati Bio-Bio hududida (16 kishi), besh kishi Araukaniyada, bir kishi Nyublda qayd etilgan. “Qurbonlar soni har daqiqada o‘zgarib bormoqda, chunki vaziyat juda og‘ir”, — dedi u.
554 kishi jarohatlangan. Ulardan 16 nafarining ahvoli og‘ir.
Chili Ichki ishlar vazirligi maʼlumotlariga koʻra, yongʻinlar oqibatida 45 ming gektardan ortiq maydon yonib ketgan. 251 ta yong‘in o‘chog‘i faolligicha qolmoqda. “Bir hafta ichida odatda bir yilda kuzatiladiganiden ko‘proq yer yondi” , — dedi Toa.
Bio-Bio, Nyubl va Araukaniya hududlarida favqulodda holat e’lon qilindi. Rasmiylar Meksika, Argentina, Braziliya, Urugvay va Ispaniyadan yong‘inlarni o‘chirishda yordam so‘ragan. Chili prezidenti Gabriel Borik argentinalik hamkasbi Alberto Fernandesga asbob-uskunalar va odamlar yuborgani uchun minnatdorlik bildirdi.
Izoh (0)