Britaniya tashqi ishlar vaziri Ukrainada tinchlikka erishishning eng tezkor yo‘lini aytdi
Buyuk Britaniya tashqi ishlar vaziri Jeyms Kleverli Ukrainani Rossiyadan himoya qilish uchun qurollantirishga yordam berish tinchlikka erishishning eng tezkor yo‘li ekanini aytdi. Vazir Times of Malta nashrida tegishli maqolasini chop etdi.
Kleverlining so‘zlariga ko‘ra, barcha “avtoritar hukmdorlar” singari, Rossiya prezidenti Vladimir Putin ham faqat raqiblarining kuchiga munosabat bildiradi.
“Putin 2022-yil dekabr oyida Ukraina rahbari Vladimir Zelenskiyning 10 banddan iborat tinchlik rejasini rad etgandi. Shuning uchun Buyuk Britaniya va Kiyevning do‘stlari Ukrainaning jang maydonida muvaffaqiyat qozonishi uchun hamma narsani qilmoqda.
Aynan shu sababli Germaniya va AQSH Britaniyaga qo‘shilib ukrainaliklarga tanklar yuborishidan xursandman. Ukrainaliklarga urushni yakunlash uchun zarur vositalarni berish tinchlikka erishishning eng tezkor va hatto yagona yo‘lidir”, — deydi Britaniya TIV rahbari.
Avvalroq Jeyms Kleverli Buyuk Britaniya Rossiyani Ukrainaga bostirib kirishi uchun javobgarlikka tortmoqchi bo‘lgan xalqaro hamkorlar guruhiga qo‘shilganini ma’lum qilgandi. Koalitsiyada huquqiy tajribasi almashinib, Rossiya rahbariyatini harakatlari uchun to‘liq javobgarlikka tortish imkoniyati o‘rganiladi.
Mavzuga doir:
- “10 ta tank nima bo‘ladi?” Qaysi davlatlar Ukrainani tanklar bilan ta’minlaydi?
- Zelenskiy urushga barham berishning yagona shartini aytdi
