Украина ташқи ишлар вазири Дмитрий Кулеба Исроил собиқ бош вазири Нафтали Беннетнинг Россия етакчиси Владимир Путин унга Владимир Зеленскийни ўлдирмасликка шахсан ваъда берганини айтган интервьюсига муносабат билдирди.
Исроиллик сиёсатчи ОАВга берган интервьюсида у ва Путин ўртасида Зеленскийнинг ҳаётига оид суҳбат 2022 йил март ойида бўлиб ўтганини таъкидлаган. Беннет ўша пайтда Исроил Бош вазири лавозимида фаолият юритганди. Украина ташқи ишлар вазири бундай “ошкора”ларга жавобан иттифоқчилар Путиннинг “ҳеч бир ваъдасига ишонмаслиги” кераклигини эслатди. Кулеба Россия раҳбари “жуда тажрибали ёлғончи” эканини айтиб, илгари Путин Қримнинг дахлсизлиги ҳақидаги ваъдаларини бузганини қўшимча қилди.
"Ўтмишда Путин Қримни ишғол қилмаслик, Минск келишувларини бузмаслик, Украинага бостириб кирмаслик ҳақида ваъда берган бўлса-да, буларнинг барчасини бажарди. У тажрибали ёлғинчи. Ҳар сафар у бирор нарса қилмасликка ваъда берганида, бу унинг режасининг бир қисми бўлади”, — деб ёзди Кулеба Twitterъда.
Мавзуга доир:
Изоҳ (0)