Qozog‘iston havo hujumidan mudofaa kuchlari ilk bor dronlarni yo‘q qilish bo‘yicha mashg‘ulot o‘tkazdi (foto)

Qozog‘iston havo hujumidan mudofaa kuchlari “Sari-Shagan” poligonida uchuvchisiz uchar apparatlarini yo‘q qilish bo‘yicha mashg‘ulotlar o‘tkazdi, deb xabar bermoqda Tengrinews. Bu respublika kuchlarining dronlarni qidirish va aniqlash bo‘yicha o‘tagan ilk mashg‘ulotlari bo‘ldi.

Mashqlar ssenariysiga ko‘ra, shartli dushman tomonidan harbiy va fuqarolik infratuzilmasi obyektlariga otilgan dron va qanotli raketalar aniqlangach, zenit-raketa komplekslari oldindan tayyorlanmagan pozitsiyalarga surilib borib, moʻljallangan nuqtalarni nishonga olgan va yoʻq qilgan.

“Zamonaviy zenit-raketa komplekslari yordamida biz real vaqt rejimidagi jangovar vaziyatga taqlid qildik. Shaxsiy tarkib esa bir nechta kichik oʻlchamli past uchuvchi havo nishonlarini aniqlash, kuzatish va yoʻq qilish boʻyicha mashg‘ulotlarni o‘tadi”, — deya izoh berdi respublika havo hujumidan mudofaa brigadasi komandiri Berik Moldaqu.

Ma’lumot uchun Ukrainadagi jangovar harakatlarda dronlardan faol foydalanilmoqda.