Shimoliy Koreya Donbassga harbiylar va politsiya xodimlarini yuboradi — OAV

Shimoliy Koreya hukumati mamlakatning Rossiyadagi savdo kompaniyalariga Donbassni qayta tiklash ishlarida qatnashish uchun kadrlar tanlashni buyurdi. Bu haqda Daily NK xabar berdi.

Nashrining Rossiyadagi manbasiga ko‘ra, Shimoliy Koreya 20-yanvar kuni bir nechta savdo kompaniyalariga, jumladan Mudofaa vazirligiga qarashli Cholhyon Construction va Kumrung Construction’ga tegishli buyruq bergan.

Buyurtmani olgan barcha savdo kompaniyalari harbiy yoki jamoat xavfsizligi idoralari bilan bog‘liqligi hisobga olinsa, KXDR Ukraina sharqiga oddiy kadrlarni emas, askar yoki politsiya xodimlarini yuborishi mumkin. Sababi ular tinch aholiga qaraganda nazorat qilish va xavfsizlikni saqlashda ustun ekani ta’kidlanadi. 

Ukrainaga jo‘natilish uchun tanlangan xodimlar 19 yoshdan 27 yoshgacha bo‘lgan yigitlardir, ularning ko‘pchiligi uylangan, ammo oilasini Shimoliy Koreyada qolgan.

Ta’kidlanishicha, KXDR hukumati asosan xorijga uylangan erkaklarni yuboradi, ularning xotini va bolalarini esa Shimoliy Koreyada qoldiradi. Bu orqali erkaklarning qochqin bo‘lishi oldini olinadi.

Mavzuga doir: Shimoliy Koreya AQSHni Pxenyan Rossiyaga qurol sotayotgani haqida “mish-mish tarqatish” oqibatlaridan ogohlantirdi