Italiyaning TG1 telekanali Qatar Afg‘onistonning sobiq prezidenti Ashraf Gʻaniga “Tolibon”ga qarshilik ko‘rsatmasligi uchun 110 million dollardan ortiq pora bergani haqidagi hujjatni e’lon qildi. Bu haqda Khamaa Press xabar berdi.
Italiya kanali Afg‘oniston Markaziy bankining o‘sha paytdagi rahbari Ajmal Ahmadi imzolagan pul kvitansiyasini namoyish qildi.
“Men, ’Da Afg‘oniston’ banki bosh direktori Ajmal Ahmadiy va Ashraf Gʻanining maxsus vakili Kobulda janob Mutlaq bin Majid al-Qahtoniy bilan uchrashuvda undan matoga yozilgan 110 478 000 AQSH dollarida chek oldim”, — deyiladi hujjatda.
Xabarda aytilishicha, Qatarning Afgʻoniston boʻyicha maxsus vakili al-Qahtoniy o‘sha kuni Kobulda bo‘lgan va prezidentlik saroyida Ashraf Gʻani bilan uchrashgan. Porani olishdan maqsad “Tolibon” harakatiga qarshilik ko‘rsatmaslikdir. Oshkora qilingan hujjatda bu pulni Ashraf Gʻaniga to‘lash sababi ochiqlanmagan, ammo bu pulni olgandan bir oy o‘tib, “Tolibon” Kobulga yaqinlashgach, Ashraf G’ani mamlakatni tark etgan.
Ushbu tergov hisobotini tayyorlagan Italiya telekanali muxbiri Filippo Rossining aytishicha, u bu reportajni manbalar bilan suhbatlashib, hujjatlarni ko‘rib chiqish asosida tayyorlagan. U afg‘on xavfsizlik kuchlariga Kobuldan toliblarga qarshilik ko‘rsatmaslik va chekinish buyurilganini aytdi.
Mazkur xabar OAVda e’lon qilinganidan so‘ng, may oyida Gʻanining tinchlik bo‘yicha maxsus vakili Muhammad Umar Dovudzi tomonidan Qatarning o‘sha paytdagi elchisidan 1 million 300 ming dollar bilan birga maxfiy nota olingani haqidagi ma’lumotni o‘z ichiga olgan yana bir maktub e’lon qilindi.
Afg‘oniston sobiq hukumati qulaganidan so‘ng Gʻani hukumatidagi yuqori martabali harbiy amaldorlar ularga “Tolibon”ga qarshi jang qilmaslik to‘g‘risida buyruq berilgani haqida aytgandi.
Mavzuga doir: Afg‘oniston sobiq hukumati qulashiga sabab bo‘lgan omillar sanaldi
Izoh (0)