Ayollar uchun magniyning kunlik dozasi kuniga taxminan 300 milligrammni tashkil qiladi. Organizmda magniy tanqisligini qanday aniqlash mumkin va bu yetishmovchilik sogʻliqqa qanday xavflar bilan tahdid qiladi?
Nervlar
Sabr-toqat yetishmayaptimi, arzimas narsalarga ham portlab ketasizmi, oʻzingizni koʻpincha bezovta va asabiy his qilasizmi? Magniy asab tizimining bir tekisda ishlashiga javobgar, shu bois bularning barchasi tanadagi magniy miqdori kam ekanining aniq belgilaridir.
Stress
Takroriy va kuchli jismoniy faoliyat natijasida qonda adrenalin darajasi ortadi va buyrak usti bezlari stress gormoni boʻlgan kortizolni faol ravishda ishlab chiqaradi. Magniy, aksincha, hujayralardan faol ravishda tashqariga chiqarib yuboriladi. Oqibatda, organizmda magniy yetishmasligi sodir boʻladi.
Tungi tutqanoqlar
Tunda boldir mushaklarining harakatidan uygʻonib ketasiz va bu tutqanoq tezda oʻtib ketmaydi. Baʼzan oyoqlarda sanchiqli ogʻriq yoki ogʻirlikni his qilasiz. Bu magniy yetishmasligining belgisi boʻlishi mumkin. Magniy organizmda kalsiy almashinuvida ishtirok etadi, bu vitamin qanchalik kam boʻlsa, tutqanoq xavfi shuncha yuqori boʻladi. Shu bilan birga, koʻzlarning gʻayrioddiy pirpirashi ham tutqanoq alomatidir.
Uyquchanlik yoki uyqusizlik
Haddan ortiq ko‘p uxlashingiz va qiyinchilik bilan uygʻonishingiz, gohida esa soatlab uygʻoq yotishingiz organizmda magniy yetishmasligidan. Uyqusizlik asab tizimida magniy yordami kam ekanining aniq belgisidir.
Yurakning tez-tez urishi
Aritmiya, yurak urishi paytida gʻayrioddiy hislar masalan, yurak qisqarishini “oʻtkazib yuborish” magniy yetishmasligidan dalolat. Magniy hujayralardagi natriy va kalsiy muvozanatini tartibga solishga yordam beradi va yurak-qon tomir tizimi faoliyatiga bevosita taʼsir koʻrsatadi.
Spirtli ichimliklar
Organizmda magniy yetishmasligining asosiy sabablari nima? Haftada uch martadan ortiq spirtli ichimlik (hatto, bir stakan sharob ham hisobga olinadi) ichsangiz, bu muammo sizni xavfga solishi kerak. Alkogol mahsulotlari, spirtli ichimliklar va pivo tarkibidagi moddalar magniyni suyuqlik bilan organizmdan oson va tez chiqarib yuborilishiga xizmat qiladi.
Bulochka bilan qahva
Magniy sogʻlom uglevod almashinuvi uchun zarur: bu vitamin glyukoza darajasini ham nazorat qiladi. “Ponchiklar” bilan qahva ichishni yaxshi koʻrsangiz, oʻzingizga ikki baravar koʻp xavf tugʻdirasiz: qahva va uglevodlarning oʻzaro taʼsiri magniyni organizmdan yuqori tezlikda chiqarib yuborilishini kafolatlaydi. Bu kabi takroriy odat magniy yetishmovchiligiga olib keladi.
Ortiqcha vazn
Kaliy va magniy meʼyorda emasligi bilan metabolizm jarayoni buziladi: organizm oqsil, yogʻ va uglevodlarni toʻgʻri qabul qila olmaydi, oqibatda metabolizm sekinlashadi.
Yuzning oqarib ketishi
Koʻzguga qaraganingizda oʻzingizga yoqmayapsiz, boisi oqarib ketgan yuz, shishlar, koʻz ostida doiralar… Bu magniy tanqisligi yana bir alomati: bu modda meʼyoriy qon bosimida muhim rol oʻynaydi.
Homiladorlikdan saqlovchi tabletkalar
Ayollarda magniy yetishmovchiligining yana bir belgisi homiladorlikdan saqlovchi tabletkalarni qabul qilishdir. Sizdagi “sunʼiy” estrogen magniyni organizmdan chiqarib yuborilishga sabab boʻladi.
Tarkibida magniy boʻlmagan oziq-ovqatlarni isteʼmol qilish
Albatta, shifokor siz uchun kerakli mikroelementlar dozasini belgilaydi, ammo ungacha taomnomangizga eʼtiborli boʻling.
Magniy tanqisligi kuzatilganda magniyga boy quyidagi oziq-ovqatlar zarur:
- Yongʻoq va pista;
- Loviya va dukkakli mahsulotlar;
- Quritilgan oq qoʻziqorinlari;
- Javdar unidan non;
- Qora shokolad;
- Holvalar;
- Quruq mevalar;
- Kakao;
- Joʻxori uni, grechka va donli mahsulotlar;
- Koʻkatlar (ayniqsa, barra ismaloq);
- Sabzi va lavlagi;
- Qizil ikra;
- Banan.
Mavzuga doir:
Izoh (0)