Sochlaringizni yoygan holda uxlamang, bu bilan sartaroshga ketadigan bir qancha pulni tejab qolasiz. Sochlarni parvarish qilishning o‘zi yetarli emas, sog‘lom va yanada jilolanishi uchun ularni qanday qilib to‘g‘ri tutishni o‘rganish muhimdir. Biz sizga har qanday niqobdan ko‘ra yaxshiroq yordam beradigan beshta uyqu vaqtidagi soch uchun qoidalarni to‘pladik. Bu qoidalarni bajarsangiz kifoya.
Uyquga yotishdan oldin sochlaringizni yig‘ing
Uyqu vaqtida u-bu yonga ag‘darilganingizda, yoyilgan sochlar yostiq jildiga yopishadi, chigallashib, sinadi. Tasavvur qiling, bu har kuni 8 soat davom etadi.
Mahkam chirmab qo‘yish kerak emas
Aynan shuning uchun yotishdan oldin sochlarni yig‘ishtirib olish muhimdir. Ammo, qattiq chirmab qo‘yishga shoshilmang: bu ham to‘g‘ri emas. Soch tolalarini qattiq tortmasdan, o‘ramdan sal teparoqdan yig‘ib qo‘ygan yaxshi. Soch rezinasining ham iloji boricha yumshoq bo‘lishi maqsadga muvofiq.
Ho‘l bosh bilan uxlamang
Birinchidan, sizga bu noqulaylik tug‘diradi va sovuq qotasiz. Ikkinchidan, nam sochlar bir kechaning o‘zida chalkashib ketadi. Ularni qattiq tarashingiz, sindirishingiz va uzib olishingizga to‘g‘ri keladi (hatto, eng yumshoq taroqdan foydalansangiz ham).
Sifatli yostiqjild tanlang
Paxta eng ekologik toza material bo‘lishiga qaramay, sochlar uchun noqulaydir. Soch uchun eng yaxshi SPA ipak yostiq jildlari bo‘lib, ularning sifati uzoq vaqt mobaynida buzilmaydi va uyqu vaqtida sochlarga jilo beradi.
Ba’zan ipak sharf o‘rab uxlang
Bu hiyla osiyoliklar tomonidan qo‘llaniladi. Tez orada sochingizning jilolanib turishini istasangiz, 2-3 kun davomida boshingizga ipak sharf o‘rab yoting. Ko‘rasiz, bu usul sochlarni silliqlash va laminatsiyalash kabi effekt beradi. Sochlar jilolanib, ipakdek mayin bo‘ladi.
Mavzuga doir:
Izoh (0)