Uzuk taqqan deyarli har bir ayol bu hodisaga duch kelgan. Tilla — zargarlik buyumlari tayyorlanadigan qimmatbaho metalldir, uzuklar eng qadimiy zargarlik buyumlaridan biridir. Koʻpchilik nima uchun tilla taqqan barmoqlarda qora rang paydo boʻlishiga hayron boʻladi.
Mutaxassislarning fikricha, tilla uzukdan keyin qoladigan qora chiziqlar insondagi xastalikdan dalolat beradi. Aslida bunda hech qanday bogʻliqlik yoʻq.
Nima uchun barmoqlar tilla uzuklar ostida qora rang oladi? Sabablar
Zargarlik buyumlaridan foydalangandan keyin terining nima uchun qorayishini tushunish mumkin boʻlgan qator asosli sabablar bor:
- Jilo beruvchi vositalardan foydalanish. Sotuvga chiqarishdan avval tilla buyumlarga jilo beruvchi pasta bilan ishlov beriladi. Agar u toʻgʻri usul bilan yuvilmagan boʻlsa, terida qora dogʻlar paydo boʻladi. Qisqa vaqtdan keyin pasta yuviladi va u zargarlik buyumidan butkul oʻchadi. Muammo ham oʻz-oʻzidan yoʻqoladi.
- Ishlab chiqaruvchining vijdonsizligi. Baʼzan pulni tejash maqsadida tilla noqonuniy ravishda boshqa metallar bilan aralashtiriladi. Shu bois tillani faqat ixtisoslashtirilgan doʻkonlarda dastlabki tekshiruvlardan oʻtkazish, shuningdek, mahsulot tarkibini oʻrgangandan soʻnggina sotib olishingiz kerak. Qimmatbaho buyumning past sifati vaqt oʻtishi bilan kutilmagan yoqimsiz hodisalarni yuzaga keltirishi mumkin.
- Kosmetika vositalaridan notoʻgʻri foydalanish. Qoʻllaringizga krem surtsangiz va darhol tilla uzukni taqib olsangiz, metall oksidlanishni boshlaydi. Bu qora chiziqlar paydo boʻlishiga olib keladi.
Terining qorayishiga meʼyordan ortiq koʻp goʻsht isteʼmol qilish va terlash ham sabab boʻladi. Terlash vaqtida organizmdan tarkibida tilla va boshqa aralashmalar bilan reaksiyaga kirishadigan juda koʻp xilma-xil moddalar ajraladi. Oʻzaro taʼsir natijasida teri qorayadi. Tilla buyumlarning tutun, kuyik va turli gazlar bilan taʼsiri ham koʻpincha bu kabi oqibatlarga olib keladi.
Tilla uzukdan qoraygan barmoq: xalqona belgilar
Odamlar bu hodisada sirli maʼno yashiringaniga ishonadi. Ular eng qaynoq metalldan yasalgan uzuk oʻrnida qora dogʻlarning paydo boʻlishi odamning zarar koʻrganligining birinchi belgisi, deb hisoblashadi.
Oltin sezuvchan metall boʻlib, u egasiga qaratilgan salbiy taʼsirni darhol bildiradi. Yomon koʻzdan xalos boʻlish uchun uzukni va qoʻllarni muqaddas suvda bir muddat botirib qoʻyib, yuvib tashlashni tavsiya etishadi.
Ammo koʻpincha barmoqning qorayib qolishi organizmdagi jiddiy kasalliklar haqida signal hisoblanadi. Bu hodisa homilador ayollarda, ayniqsa, xavotirlidir. Xalqda buni homilaning rivojlanishidagi nuqsonlar toʻgʻrisida ogohlik belgisi sifatida tushuniladi. Lekin har qanday holatda ham vahimaga berilmaslik kerak. Yuzaga kelgan muammolarni aniqlash va ularni oʻz vaqtida bartaraf etish uchun darhol shifokor bilan maslahatlashish tavsiya etiladi.
Barmoq tilla uzukdan qoraysa nima qilish kerak?
Ushbu hodisani bartaraf etish uchun quyidagi koʻrsatmalarga amal qilishing:
- Qoʻllaringiz uchun yuqori sifatli kosmetikadan foydalaning;
- Tilla buyumlarni buyumlarni belgilangan holatda saqlang;
- Salomatligingizni tekshirtiring;
- Tozalash ishlarni bajarayotganda zargarlik buyumlarni yechib qoʻying;
Sof oltindan yasalgan uzuklarni taqib boʻlmasligi aniq, chunki bu metall juda yumshoq tuzilishga ega. Shu sababli, uni qattiqlashtirish uchun unga boshqa komponentlar qoʻshiladi. Asosiysi, qoʻshimchalar miqdori ruxsat etilgan meʼyordan oshmasa boʻlgani.
Mavzuga doir:
- Nima sababdan ba’zan o‘ng qo‘l jimjilog‘i qotib qoladi?
- Kosmetik vositalardan voz kechish vaqti kelganini qanday aniqlash mumkin?
Izoh (0)