Magniy inson organizmi uchun eng muhim elementlardan biridir. B guruhi vitaminlari va, masalan, o‘simlik oqsilining guruhiga qo‘shimcha ravishda, yana bir muhim komponent — magniy bor. Magniy qonda shakar darajasiga, suyak sog‘lig‘iga ijobiy ta’sir ko‘rsatadi, qon bosimini nazorat qiladi va eng muhimi, yurak faoliyati uchun foydali. Markaziy asab tizimini mustahkamlash va energiya darajasini oshirish ham uning vazifalari qatoriga kiradi. Marie Claire nashri ushbu elementni qaysi mahsulotlardan olish mumkinligini ma’lum qildi.
- ayollar — kuniga 310-320 mg;
- erkaklar — kuniga 400-420 mg.
- charchoq;
- ishtahaning pasayishi;
- zaiflik;
- uyqu muammolari va ko‘ngil aynishi;
- soch to‘kilishi;
- qon bosimining oshishi.
- anormal yurak ritmi;
- koronar spazmlar;
- uyqusizlik;
- mushak spazmlari;
- tomir tortishishi va uvishish.
Yong‘oqlar
Yong‘oq magniy zaxiralarini to‘ldirishga yordam beradi, u bir qancha foydali moddalarni o‘z ichiga oladi. Omega-3 (yurak va qon tomir kasalliklari xavfini kamaytiradi, qon aylanishini yaxshilaydi, aqliy faoliyatni oshiradi va qon bosimini pasaytiradi), sog‘lom yog‘lar, ichaklarning sog‘lom ishlashida muhim rol o‘ynaydigan o‘simlik kletchatkalar. Bundan tashqari, mevalarda B, C, E vitaminlari, kalsiy, kaliy, organik kislotalar, murakkab oqsillar va boshqalar mavjud.
Grechka yormasi
Grechkaning foydalari haqida hamma biladi. Ko‘p miqdorda muhim aminokislotalar, temir, rux, mis, foliy kislotasi, B guruhi vitaminlari va bu hammasi emas. Kaliy va magniy tufayli grechka yurak uchun foydalidir, qon tomirlarining devorlarini mustahkamlaydi, shuningdek, past glisemik indeksga ega va ko‘p miqdordagi retina tufayli qandli diabet rivojlanish ehtimolini minimal darajaga tushiradi.
Bug‘doy yormasi
Qayta ishlangan va quritilgan bug‘doyning yormasi ko‘plab foydali xususiyatlar va vitaminlarni saqlab qoladi, shuning uchun u organizmga zarar bermaydigan va metabolizmni yaxshilaydigan sog‘lom mahsulotdir. Vitaminlarning so‘rilishini tezlashtirish va ichaklarni tozalash yormaning asosiy vazifasidir. Qolaversa, u magniy, kalsiy, kaliy va temirga boy.
Holva
Sharqona shirinlik nisbatan yuqori kaloriya tarkibiga qaramay, foydali elementlarga boy juda to‘yimli mahsulotlar toifasiga kiradi. Pista holvasi jismoniy va ruhiy stressni muvozanatlashtiradi, hatto kichik bo‘lak ham organizmni quvvatlantirishi mumkin va doimiy iste’mol barqaror qon bosimiga (magniy) olib keladi, asab tizimini mustahkamlaydi (vitamin B) va xotirani yaxshilaydi (E vitamini).
Dengiz o‘tlari
Magniy zaxiralarini tabiiy ravishda to‘ldirishning ajoyib usuli dengiz o‘tlarini ratsionga kiritishdir. Magniydan tashqari, mahsulot fosfor, yod, yog‘ kislotalari va natriyga boy.
Qizil ikra
Qizil ikra nafaqat mazali, balki sog‘lom yegulikdir. Ko‘p miqdorda temir, oqsil, yog‘ kislotalari, to‘liq vitamin kompleksi, ular birgalikda immunitet tizimini qo‘llab-quvvatlaydi va mustahkamlaydi, asab hujayralarini energiya bilan oziqlantiradi.
Achchiq shokolad
Bu shirinlik desertlarning o‘rnini bosishda yordam beradi, chunki odatda u zararli qo‘shimcha, bo‘yoq va konservantlarni o‘z ichiga olmaydi. Bundan tashqari, u miya hujayralarining qarish jarayonini sekinlashtiradi, kognitiv funksiyani rag‘batlantiradi, xolesterinni kamaytiradi va yurak-qon tomir tizimining faoliyatini yaxshilaydi. Yana bir foydasi shundaki, shokolad o‘ziga xos antidepressant vazifasini bajaradi, u kayfiyatni yaxshilaydi va faollikni oshiradi.
Izoh (0)