Аёллар учун магнийнинг кунлик дозаси кунига тахминан 300 миллиграммни ташкил қилади. Организмда магний танқислигини қандай аниқлаш мумкин ва бу етишмовчилик соғлиққа қандай хавфлар билан таҳдид қилади?
Нервлар
Сабр-тоқат етишмаяптими, арзимас нарсаларга ҳам портлаб кетасизми, ўзингизни кўпинча безовта ва асабий ҳис қиласизми? Магний асаб тизимининг бир текисда ишлашига жавобгар, шу боис буларнинг барчаси танадаги магний миқдори кам эканининг аниқ белгиларидир.
Стресс
Такрорий ва кучли жисмоний фаолият натижасида қонда адреналин даражаси ортади ва буйрак усти безлари стресс гормони бўлган кортизолни фаол равишда ишлаб чиқаради. Магний, аксинча, ҳужайралардан фаол равишда ташқарига чиқариб юборилади. Оқибатда, организмда магний етишмаслиги содир бўлади.
Тунги тутқаноқлар
Тунда болдир мушакларининг ҳаракатидан уйғониб кетасиз ва бу тутқаноқ тезда ўтиб кетмайди. Баъзан оёқларда санчиқли оғриқ ёки оғирликни ҳис қиласиз. Бу магний етишмаслигининг белгиси бўлиши мумкин. Магний организмда калсий алмашинувида иштирок этади, бу витамин қанчалик кам бўлса, тутқаноқ хавфи шунча юқори бўлади. Шу билан бирга, кўзларнинг ғайриоддий пирпираши ҳам тутқаноқ аломатидир.
Уйқучанлик ёки уйқусизлик
Ҳаддан ортиқ кўп ухлашингиз ва қийинчилик билан уйғонишингиз, гоҳида эса соатлаб уйғоқ ётишингиз организмда магний етишмаслигидан. Уйқусизлик асаб тизимида магний ёрдами кам эканининг аниқ белгисидир.
Юракнинг тез-тез уриши
Аритмия, юрак уриши пайтида ғайриоддий ҳислар масалан, юрак қисқаришини “ўтказиб юбориш” магний етишмаслигидан далолат. Магний ҳужайралардаги натрий ва калсий мувозанатини тартибга солишга ёрдам беради ва юрак-қон томир тизими фаолиятига бевосита таъсир кўрсатади.
Спиртли ичимликлар
Организмда магний етишмаслигининг асосий сабаблари нима? Ҳафтада уч мартадан ортиқ спиртли ичимлик (ҳатто, бир стакан шароб ҳам ҳисобга олинади) ичсангиз, бу муаммо сизни хавфга солиши керак. Алкогол маҳсулотлари, спиртли ичимликлар ва пиво таркибидаги моддалар магнийни суюқлик билан организмдан осон ва тез чиқариб юборилишига хизмат қилади.
Булочка билан қаҳва
Магний соғлом углевод алмашинуви учун зарур: бу витамин глюкоза даражасини ҳам назорат қилади. “Пончиклар” билан қаҳва ичишни яхши кўрсангиз, ўзингизга икки баравар кўп хавф туғдирасиз: қаҳва ва углеводларнинг ўзаро таъсири магнийни организмдан юқори тезликда чиқариб юборилишини кафолатлайди. Бу каби такрорий одат магний етишмовчилигига олиб келади.
Ортиқча вазн
Калий ва магний меъёрда эмаслиги билан метаболизм жараёни бузилади: организм оқсил, ёғ ва углеводларни тўғри қабул қила олмайди, оқибатда метаболизм секинлашади.
Юзнинг оқариб кетиши
Кўзгуга қараганингизда ўзингизга ёқмаяпсиз, боиси оқариб кетган юз, шишлар, кўз остида доиралар… Бу магний танқислиги яна бир аломати: бу модда меъёрий қон босимида муҳим рол ўйнайди.
Ҳомиладорликдан сақловчи таблеткалар
Аёлларда магний етишмовчилигининг яна бир белгиси ҳомиладорликдан сақловчи таблеткаларни қабул қилишдир. Сиздаги “сунъий” эстроген магнийни организмдан чиқариб юборилишга сабаб бўлади.
Таркибида магний бўлмаган озиқ-овқатларни истеъмол қилиш
Албатта, шифокор сиз учун керакли микроэлементлар дозасини белгилайди, аммо унгача таомномангизга эътиборли бўлинг.
Магний танқислиги кузатилганда магнийга бой қуйидаги озиқ-овқатлар зарур:
- Ёнғоқ ва писта;
- Ловия ва дуккакли маҳсулотлар;
- Қуритилган оқ қўзиқоринлари;
- Жавдар унидан нон;
- Қора шоколад;
- Ҳолвалар;
- Қуруқ мевалар;
- Какао;
- Жўхори уни, гречка ва донли маҳсулотлар;
- Кўкатлар (айниқса, барра исмалоқ);
- Сабзи ва лавлаги;
- Қизил икра;
- Банан.
Мавзуга доир:
Изоҳ (0)