Eski buyumlarga yangi hayot bag‘ishlashga yordam beradigan layfxaklar (foto)

Agar shkaf yoki oshxona keraksiz narsalar omboriga aylangan bo‘lsa, ularni tashlashga shoshilmaslik kerak. Ba’zi buyumlardan umuman boshqa maqsadda foydalanish mumkin, deb yozadi “Noviy ochag”.

Dumaloq oyna uchun ramka

Xrizantemaga o‘xshash bu ramka plastik qoshiqlarni ko‘k ranglarga bo‘yash orqali tayyorlanadi. Buning uchun bir qancha qoshiq kerak bo‘ladi. Yupqa faner yoki qalin karton olinib, ko‘zgu o‘lchamiga mos ravishda kesiladi.

1. Qoshiqlar tutqichidan kesib olinadi, orqa tomoniga maxsus yelim to‘pponchadan yelim quyiladi va ular ramkaning ichki teshigi bo‘ylab yopishtirib chiqiladi. Qoshiq qatorlari orasidagi masofani kichikroq bo‘lishi kerak, shunda ular yaxshi yopishadi. Shu tariqa 6 qator qoshiq yopishtiriladi.
2. Yelim qurigach, qoshiqlar bo‘yoq bilan bo‘yaladi.
3. Barglarning birinchi eng kichik doirasini quyuq ko‘k, har bir keyingi doira ochroq ko‘k bilan tugatiladi. So‘ngra bo‘yoq quritishga qo‘yiladi.
4. Ko‘zguni ramkaga yopishtirish uchun yelimdan foydalaniladi, shundan so‘ng uni ilgak yordamida devorga osib qo‘yish mumkin.

To‘qima gilam

Har kimning uyida vaqtida xizmat qilgan turli rangdagi eski futbolkalar bor. Ulardan gilamcha to‘qish uchun o‘rib chiqiladi. Buning uchun futbolkalar uzun tasma shaklida kesiladi, biroz burab, to‘qiladi. Gilam yumshoq bo‘lgani uchun uning ustida uxlash ham mumkin.

Mevalar uchun idish

Uch xil o‘lchamdagi qandolat qolipi ikkita shamdon yordamida bir-birining ustiga o‘rnatiladi va natijada ajoyib ko‘rinishdagi qavatli idishga aylanadi. Ushbu idishda mevadan tashqari, zargarlik buyumlarini ham saqlash mumkin.

Jajji guldonlar

Bolalar ovqatlari uchun mo‘ljallangan shisha idishlarni chiroyli guldonga aylantirish mumkin.

1. Buning uchun shisha idishlarga turli xil ko‘rinishdagi naqshlar chiziladi.
2. So‘ngra bo‘yaladi.
3. Oddiy arqon iplar bilan bezak beriladi.
4. Xona dizaynini yangilash uchun devorga osib qo‘yish mumkin.

Bo‘yinbog‘lardan ajoyib kosmetik sumka

Ikkita eski ipak bo‘yinbog‘ni birlashtirib, ajoyib kosmetik sumkalar yasash mumkin. Bo‘yinbog‘larning tikilgan qismi ochiladi va yaxshilab dazmol qilinadi. So‘ngra to‘rtburchaklar matoning har tarafi tikiladi, faqat bir tomoniga tugma yoki zamok o‘rnatiladi.

Gul uchun tuvak

Avvalgi kir yuvish savati gul tuvagi sifatida ham xizmat qilishi mumkin. Uning ustiga shunchaki yangi matodan tikilgan qoplama kiydiriladi va ichiga gul joylashtiriladi. Bunday ko‘chat yozda uy ayvonini bezaydi.

Yon daftarlar uchun muqova

Ko‘pchilik hali ham o‘zi bilan yon daftar olib yurishni yaxshi ko‘radi. Rangli karton, tugma va ip yordamida daftar yoki kitoblar uchun ajoyib muqova yasash mumkin. Muqovaga rangli qog‘ozdan bezaklar beriladi, tugmacha tikilib, yopilishi uchun tasma bog‘lanadi.

Mavzuga doir:

• Changyutkich yordamida buyumlarni topish, bo‘sh qutilardan unumli foydalanish va ro‘zg‘or ishlarida asqatadigan boshqa layfxaklar (foto)
• Qandolat qog‘ozidan foydalanishning ko‘pchilikka noma’lum usullari (foto)
• Qalqonsimon bez bilan bog‘liq muammolarni keltirib chiqaruvchi uyingizdagi 9 ta zaharli narsa