Insoniyat tarixida qo‘llar hech qachon hozirgichalik pokiza bo‘lmagan. Hatto shifokorlar ham bugungi kunda hamma oddiy odam kabi qo‘llarini tez-tez yuvmagan. Ammo suyuq sovun va dezinfeksiyalovchi vositalar terini jiddiy oqibatlarga olib keladi. Yaxshi namlangan teri o‘zining immunitetiga ega. Qurib borayotgan terida esa bunday imkoniyat bo‘lmaydi, deb yozadi Harper’s Bazaar Kazakhstan.
Dermatit va uning belgilari
“Sovun, yuvish vositalari va spirtli geldan takroran foydalanish tirnash xususiyatini beruvchi dermatitning asosiy va juda keng tarqalgan sabablaridan biridir, — deb tushuntiradi dermatolog Anjali Maxto. — Ushbu mahsulotlar epidermisning yuqori qatlamidagi oqsillarga zarar yetkazishi mumkin. Shuningdek, teridagi yog‘larning o‘zgarishiga olib keladi, suv bilan aloqa qilish qobiliyatini kamaytiradi.
Qo‘lni tez-tez yuvish teri qurishiga olib kelishi mumkinmi?
Haddan tashqari ko‘p yuvish natijasida qo‘llar qizarib, qichishishi, qurishi va yorilib ketishi mumkin. Teri ustida kichik jarohatlar paydo bo‘ladi. Bundan tashqari, agar qo‘l terisi zararlansa, u infeksiyaga qarshi samarali kurasholmaydi. Shuning uchun suv o‘ylagandan ham ko‘ra muhimroq vazifani bajaradi.
Nima uchun qo‘l terisi quriydi va yorilib ketadi?
Albatta, 20 soniyalik qo‘l yuvish teriga zarar yetkazishi mumkin. Lekin bu yagona sabab emas. Sovuq havoda namlik yetishmasligi tufayli terida salbiy o‘zgarishlar yuz beradi. Qo‘llarga yoshlik va go‘zallikni qaytarish uchun dermatologlar to‘rt bosqichli rejani taklif qiladi:
Qo‘l uchun tungi niqob tayyorlash
Uyquga yotishdan oldin qo‘l kremi surtiladi. Xushbo‘y hidsiz mahsulotni tanlash tavsiya etiladi. So‘ngra bir juft paxtali qo‘lqop kiyiladi. Bu deyarli qo‘l uchun intensiv niqob vazifasini bajaradi, yorilgan teri uchun esa ajoyib yechim.
Xushbo‘y bo‘lmagan mahsulotlardan foydalanish
Terini qo‘shimcha tirnash xususiyatidan himoya qilish uchun kuchli hidli mahsulotlardan saqlanish lozim. Bu nafaqat kremlarga, balki har qanday sovun, gel va shampunlarga ham tegishli.
Ochiq havoda sport bilan shug‘ullanayotganda qo‘lqop kiyish
Agar ochiq havoda mashq qilinsa, qo‘lqop kiyish tavsiya etiladi. Chunki sovuq havo terini tezda quritadi. Qo‘l kremini tez-tez, ayniqsa, tashqariga chiqishdan oldin ishlatish juda muhim. Glitserin va gialuron kislotasini o‘z ichiga olgan mahsulotlar qo‘l terisi uchun samarali.
Ko‘proq suyuqlik ichish
Hamma ham turli xil ichimlik ichadi. Ammo bu teriga foyda keltirmaydi. Spirtli yoki gazli ichimliklarni muntazam ravishda ichish teri qarishiga olib keladi va hech qanday krem yordam bermaydi. Shuning uchun muntazam ravishda oddiy suv ichishni unutmaslik lozim.
Eng yaxshi natijalarga erishish uchun quyidagi maslahatlarga amal qiling:
Tozalashda qo‘lqoplardan foydalaning. Ko‘pchilik idishlarni qo‘lqopsiz yuvadi. Ayniqsa, kimyoviy tozalash vositalaridan foydalanganda buni unutmaslik lozim. Undan zaharlar teri orqali organizmga osongina kirib boradi. Ya’ni nafaqat qo‘llar azoblanadi. Balki sekin-asta butun vujud zaharlanadi.
Mavzuga doir:
Izoh (0)