O‘zbekistonda 2022-yilda o‘rtacha oylik ish haqi qancha bo‘lgani ma’lum qilindi

2022-yilning yanvar—dekabr oylarida o‘rtacha oylik nominal hisoblangan ish haqi o‘tgan yillarning mos davri bilan solishtirganda o‘zining eng yuqori natijasini qayd etdi — 3,89 million so‘m. Bu haqda Davlat statistika qo‘mitasi xabar berdi.

Nominal hisoblangan ish haqi — ish beruvchining ma’lum bir vaqt davomida ishlab chiqarilgan mahsulot (ishlar bajarilgani yoki xizmat ko‘rsatilganligi) uchun hisoblangan amaldagi qonunlarga muvofiq soliq va boshqa to‘lovlarni o‘z ichiga olgan naqd pul shaklida jismoniy shaxslarga hisoblangan mehnatga haq to‘lash tarzidagi daromad.

2022-yilning yanvar—dekabr oylaridagi eng yuqori o‘rtacha oylik ish haqi bank, sug‘urta, lizing va kredit vositachilik faoliyatida qayd etilgan — 10,8 mln so‘m. 

Axborot va aloqa sohasida o‘rtacha oylik ish haqi 7,5 mln so‘mga teng bo‘lgan bo‘lsa, tashish va saqlash sohasida — 5 mln so‘m, sanoat sohasida — 4,9 mln so‘m.

Eng past o‘rtacha ish haqi sog‘liqni saqlash va ijtimoiy xizmatlar ko‘rsatish sohasida qayd etilgan — 2,6 mln so‘m.

Bank, sug‘urta, lizing va kredit vositachilik faoliyatida eng yuqori o‘rtacha ish haqi Toshkent shahrida (14,2 mln so‘m), eng pasti Samarqand viloyatida (6,9 mln so‘m) kuzatilgan.

Sanoat sohasida eng yuqori o‘rtacha ish haqi Navoiy viloyatida (7,4 mln so‘m), eng pasti Namangan viloyatida — (2,9 mln so‘m).

Ta’lim sohasida eng yuqori o‘rtacha oylik ish haqi Toshkent shahrida (4,2 mln so‘m), eng pasti Qashqadaryo viloyatida (2,3 mln so‘m)ni tashkil etgan. Namangan, Andijon, Toshkent viloyatlarida (2,6 mln so‘m) ish haqi mamlakat bo‘yicha o‘rtacha ko‘rsatkichdan yuqori bo‘lgan. Boshqa hududlarda o‘rtacha oylik ish haqi nisbatan past.

Sog‘liqni saqlash va ijtimoiy xizmatlar ko‘rsatish sohasida eng yuqori o‘rtacha oylik ish haqi Toshkent shahrida (3 mln so‘m), eng pasti — Qashqadaryo viloyati (2,1 mln so‘m). Mamlakat