2022 йилнинг январь—декабрь ойларида ўртача ойлик номинал ҳисобланган иш ҳақи ўтган йилларнинг мос даври билан солиштирганда ўзининг энг юқори натижасини қайд этди — 3,89 миллион сўм. Бу ҳақда Давлат статистика қўмитаси хабар берди.
Номинал ҳисобланган иш ҳақи — иш берувчининг маълум бир вақт давомида ишлаб чиқарилган маҳсулот (ишлар бажарилгани ёки хизмат кўрсатилганлиги) учун ҳисобланган амалдаги қонунларга мувофиқ солиқ ва бошқа тўловларни ўз ичига олган нақд пул шаклида жисмоний шахсларга ҳисобланган меҳнатга ҳақ тўлаш тарзидаги даромад.
2022 йилнинг январь—декабрь ойларидаги энг юқори ўртача ойлик иш ҳақи банк, суғурта, лизинг ва кредит воситачилик фаолиятида қайд этилган — 10,8 млн сўм.
Ахборот ва алоқа соҳасида ўртача ойлик иш ҳақи 7,5 млн сўмга тенг бўлган бўлса, ташиш ва сақлаш соҳасида — 5 млн сўм, саноат соҳасида — 4,9 млн сўм.
Энг паст ўртача иш ҳақи соғлиқни сақлаш ва ижтимоий хизматлар кўрсатиш соҳасида қайд этилган — 2,6 млн сўм.
Банк, суғурта, лизинг ва кредит воситачилик фаолиятида энг юқори ўртача иш ҳақи Тошкент шаҳрида (14,2 млн сўм), энг пасти Самарқанд вилоятида (6,9 млн сўм) кузатилган.
Саноат соҳасида энг юқори ўртача иш ҳақи Навоий вилоятида (7,4 млн сўм), энг пасти Наманган вилоятида — (2,9 млн сўм).
Таълим соҳасида энг юқори ўртача ойлик иш ҳақи Тошкент шаҳрида (4,2 млн сўм), энг пасти Қашқадарё вилоятида (2,3 млн сўм)ни ташкил этган. Наманган, Андижон, Тошкент вилоятларида (2,6 млн сўм) иш ҳақи мамлакат бўйича ўртача кўрсаткичдан юқори бўлган. Бошқа ҳудудларда ўртача ойлик иш ҳақи нисбатан паст.
Соғлиқни сақлаш ва ижтимоий хизматлар кўрсатиш соҳасида энг юқори ўртача ойлик иш ҳақи Тошкент шаҳрида (3 млн сўм), энг пасти — Қашқадарё вилояти (2,1 млн сўм). Мамлакат
Изоҳ (0)