O‘zbekistonda hududlar bo‘yicha korxona va tashkilotlar xodimlarining o‘rtacha oylik maoshi ma’lum bo‘ldi. Bu haqda Statistika agentligi matbuot xizmati xabar berdi.
Foto: “Daryo”
O‘zbekistonda 2022-yil yanvar—dekabr oylarida o‘rtacha oylik nominal hisoblangan ish haqi 3 892 400 so‘mni tashkil etdi. Bu ko‘rsatkich 2021-yilga nisbatan 21,1 foizga ko‘p.
2022-yilda hududlar kesimida eng yuqori ko‘rsatkich Toshkent shahriga tegishli bo‘lgan — 6,31 mln so‘m.
Keyingi eng yaxshi maoshlar Navoiyda bo‘lib, o‘rtacha ish haqi 5,12 mln so‘m bo‘lgan. Uchinchi pog‘onada Toshkent viloyati qayd etilgan. Viloyatda 2022-yilning yanvar—dekabr oylarida aholiga to‘lanadigan o‘rtacha oylik ish haqi 3,94 mln so‘m bo‘lgan.
Table: “Daryo”
2022-yilning birinchi choragida eng kam o‘rtacha oylik ish haqi Farg‘ona viloyatida qayd etilgan. Viloyatdagi korxona va tashkilotlar xodimlariga o‘rtacha 2,9 mln so‘m maosh to‘langan.
Bu ko‘rsatkich Jizzax, Samarqand, Qashqadaryo, Surxondaryo, Samarqand va Namangan viloyatlarida ham 2,9 mln so‘m atrofida bo‘lib turibdi.
O‘tgan yilga nisbatan eng yuqori o‘sish Toshkent shahrida qayd etilgan — 28,2 foizga. Keyingi o‘rinlarni Xorazm (23,1 foiz) va Andijon viloyati (22,6 foiz) egallagan.
Izoh (0)