2022-yilda dunyoda smartfonlarning umumiy yetkazib berilishi o‘tgan yilning shu davriga nisbatan 11,3 foizga kamayib, 1,21 milliard donani tashkil etdi. Bu so‘nggi 10 yildagi eng past ko‘rsatkichdir, deya xabar bermoqda “TASS”.
Mazkur ma’lumotlar International Data Corporation (IDC) tadqiqot kompaniyasining tegishli hisobotida e’lon qilingan.
Samsung o‘tgan yili 260,9 million dona smartfon yetkazib berish bilan jahon bozorida yetakchilik qildi.
Apple va Xiaomi mos ravishda 226,4 million va 153,1 million dona yetkazib berish bilan ikkinchi va uchinchi o‘rinlarni egalladi.
Shunday qilib, kuchli uchlik 2022-yilda jahon bozorida 21,6 foiz, 18,8 foiz va 12,7 foiz ulushlarni egalladi.
IDC’da taklif hajmining pasayishi iste’mol talabining pasayishi, inflyatsiya va iqtisodiyotdagi noaniqlik bilan bog‘liq edi.
Salbiy dinamika 2022-yilning to‘rtinchi choragida ham qayd etilgan. Belgilangan davrda yetkazib berish yillik hisobda 18,3 foizga qisqarib, 300,3 million smartfonni tashkil etdi.
2021-yilda dunyo bo‘ylab uyali telefonlarning umumiy jo‘natmalari 1,35 milliard donadan oshgan.
Izoh (0)