Buyuk Britaniya sobiq bosh vaziri Boris Jonsonning aytishicha, Ukrainaga bostirib kirishdan oldin Vladimir Putin u bilan qo‘ng‘iroqlashgan va suhbat davomida raketa zarbasi bilan tahdid qilgan. Jonson bu haqda 30-yanvar kuni BBC telekanalida chiqqan “Putin G‘arbga qarshi” hujjatli filmida gapirdi.
Jonsonning so‘zlariga ko‘ra, 2022-yil fevral oyida bo‘lib o‘tgan suhbat juda uzoq va noodatiy kechgandi.
“Bir payt u menga qandaydir tarzda tahdid qilib shunday dedi: Boris, sizni xafa qilishni xohlamayman, lekin raketa bilan bunga bir daqiqa yetarli bo‘ladi”, — dedi Jonson Rossiya prezidentning so‘zlarini keltirib.
Sobiq bosh vazirning so‘zlariga ko‘ra, Putin bu gapni Ukrainadagi urush halokatli bo‘lishi, G‘arb sanksiyalariga va Rossiya chegaralari yaqinida NATO kuchlarining ko‘payishiga olib kelishi haqida Jonsonning ogohlantirishidan keyin aytgan.
“Putinning xotirjam ohangda gapirishidan, u shunchaki men uni muzokaralarga ko‘ndirishga urinishimga shunday munosabat bildirdi, deb o‘ylayman”, — deya qoʻshimcha qildi Jonson.
Izoh (0)