Buyuk Britaniya sobiq bosh vaziri Boris Jonsonga Kiyevning faxriy fuqarosi unvoni berildi. Bu haqda shahar meri Vitaliy Klichko o‘zining Telegram’dagi sahifasida ma’lum qildi.
“Kiyev shahar kengashi Ukrainaning buyuk do‘sti Boris Jonsonga Kiyevning faxriy fuqarosi unvonini berish to‘g‘risidagi qarorni ma’qulladi”, — deya izoh qoldirdi mer. Klichko Buyuk Britaniyaning sobiq bosh vaziri Kiyevga tinchlik davrida ham, urushning “eng keskin davrida” ham bir necha bor kelganini qayd etdi.
“Jonson shunday qildi. U Britaniya hamda jahon yetakchilari Ukrainaga zarur yordam ko‘rsatishi uchun qo‘lidan kelgan hamma narsani qilishda davom etishiga ishonaman”, — deya qo‘shimcha qildi mer.
U siyosatchiga ko‘rsatgan yordami uchun minnatdorlik bildirdi va uni Ukraina poytaxtiga navbatdagi tashrifga hamda Kiyevning faxriy fuqaroligini topshirishga taklif qildi.
Ma’lumot o‘rnida, Boris Jonson birinchi marta Kiyevga aprel oyida kelgan. U Rossiyaning keng ko‘lamli bosqinidan keyin Ukrainaga kelgan G7 davlatlarining birinchi rahbari bo‘ladi.
Izoh (0)