Suriyada 25 ta yuk mashinasidan iborat karvon aviazarbaga uchradi. Al-Arabiya telekanalining xabar berishicha, yuk mashinalari Erondan kelayotgan bo‘lgan, ular Eron Islom inqilobi posbonlari korpusi tomonidan qo‘llab-quvvatlanadigan guruhlarga qurol-yarog‘ olib ketayotgani taxmin qilingan.
Jurnalistlardagi ma’lumotlarga ko‘ra, zarba Suriyaning Al-Bukamale shahridagi tuman yaqinida “Hizbulloh” nazorat qiladigan norasmiy chegara punktiga dronlar bilan berilgan. Zarba oltita yuk mashinasini vayron qilgan.
Hozircha hech kim hujum uchun javobgarlikni o‘z zimmasiga olmadi. Suriyalik inson huquqlari faollarining ta’kidlashicha, uchuvchisiz uchar apparatlar AQSH boshchiligidagi xalqaro koalitsiyaga tegishli bo‘lishi mumkin.
29-yanvar kuni Erondagi strategik obyektlarda qator portlashlar sodir bo‘lgandi. OAV xabarlariga ko‘ra, hujum ortida Isroil va AQSH turgan bo‘lishi mumkin.
Izoh (0)