Angliya Kubogi. “Liverpul” so‘nggi daqiqalarda o‘tkazib yuborilgan gol tufayli musobaqani tark etdi

Futbol bo‘yicha Angliya Kubogining 4-bosqichida “Liverpul” 29-yanvar, yakshanba kuni “Brayton” maydonida mehmon bo‘ldi.

Uchrashuvning 30-daqiqasida Harvi Elliot mersisaydliklarni oldinga olib chiqdi. 39-daqiqada Lyuis Dank muvozanatni tikladi. Asosiy vaqtga qo‘shib berilgan daqiqalarda Kaoru Mitoma “Brayton”ning g‘alaba to‘pini kiritdi.

Shu tariqa “Brayton” Angliya Kubogining keyingi bosqichiga yo‘l oldi. “Liverpul” esa o‘z yurishini to‘xtatdi.

Angliya Kubogi

4-bosqich bahslari

29-yanvar, yakshanba

“Brayton” – “Liverpul” 2:1

Gollar: 0:1 – 30 Elliott, 1:1 – 39 Dank, 2:1 – 90+2 Mitoma.

“Brayton”: Stil, Lempti (van Xekke, 90), Dank, Uebster (Veltman, 46), Estupinyan, Gross, March, Mak Allister, Mitoma, Uelbek (Gilmor, 67), Fergyuson (Undav, 89).

“Liverpul”: Alisson, Aleksander-Arnold (Milner, 59), Gomes, Konate, Robertson, Baychetich (Fabinyo, 84), Tiago Alkantara (Jons, 79), Keyta (Henderson, 59), Elliott (Nunyes, 59), Saloh, Gakpo.

Ogohlantirishlar: Baychetich (17), Konate (62), Dank (63), Fabino (86), Robertson (90).