Italiya A Seriyasining 20-turida “Milan” 29-yanvar, yakshanba kuni “Sassuolo”ni qabul qildi.
Birinchi bo‘lim o‘rtalariga kelib mehmonlar ketma-ket ikki bor milanliklar darvozasini ishg‘ol qildi. Bunga 24-daqiqada Olivye Jiru javob qaytardi. 30-daqiqada Domeniko Berardi “Sassuolo”ning uchinchi golini urdi.
Ikkinchi bo‘lim debyutida hisob yiriklashdi, 79-daqiqada esa “qora-yashillar” beshinchi to‘pni ham kiritdi. 81-daqiqada Divok Origi yakuniy hisobni o‘rnatdi — 2:5.
Ushbu g‘alaba evaziga “Sassuolo” ochkolarini 20 taga yetkazib, 15-pog‘onaga ko‘tarildi. “Milan” 38 ochko bilan 4-o‘rinda bormoqda.
A Seriya
20-tur bahsi
29-yanvar, yakshanba
“Milan” — “Sassuolo” 2:5
Gollar: 0:1 – 19 Defrel, 0:2 – 21 Frattezi, 1:2 – 24 Jiru, 1:3 – 30 Berardi, 1:4 – 47, penalti Loryante, 1:5 – 79 Mateus Enrike, 2:5 – 81 Origi.
“Milan”: Teterushanu, Kalabriya, Gabbiya, Kalulu, Ernandes, Krunich (Pobega, 71), Salemakers (Messias, 70), Tonali, de Ketelare (Rafael Leau, 46), Jiru, Rebich (Origi, 71).
“Sassuolo”: Konsilyi, Rojerio, Erlich, Ruan, Markitssa (Kiryakopulos, 46), Obiang, Frattezi (Torstvedt, 77), Traore, Defrel (Mateus Enrike, 76), Berardi (Ferrari, 85), Loryante (Alvares, 76).
Ogohlantirishlar: Tonali (37), Berardi (38), Rebich (45), Kalabriya (46), Obiang (53), Kiryakopulos (61), Krunich (61), Frattezi (73), Gabbiya (87), Jiru (90), Ruan (90), Pobega (90).
Izoh (0)