“Toshkent” xalqaro aeroportida qizlarni Turkiyaga fohishalikka yuborayotgan ikki ayol qo‘lga olindi. Bu haqda Ichki ishlar vazirligi axborot xizmati xabar berdi.
Qayd etilishicha, Tezkor qidiruv departamenti mas’ul xodimlari tomonidan O‘zbekistondan borgan qizlarni Turkiyada fohishalik bilan shug‘ullantirib kelayotgan jinoiy guruh to‘g‘risida ma’lumot olingan.
Surishtiruv ishlari davomida ushbu jinoiy guruhning a’zosi ikki nafar ayol qizlarning ishonchiga kirib, Turkiyada fohishalik bilan shug‘ullantirib kelgani aniqlangan.
Gumonlanuvchi ayol Andijon va Surxondaryo viloyatida yashovchi ikki nafar qizni “Toshkent” xalqaro aeroporti orqali Turkiyaga yuborayotgan vaqtida qo‘lga olingan.
Mazkur holat yuzasidan Qibray tumani ichki ishlar bo‘limi huzuridagi tergov bo‘linmasi tomonidan Jinoyat kodeksining 135-moddasi 2-qismi “a”, “e” bandlariga asosan jinoyat ishi qo‘zg‘atilgan.
Izoh (0)