«Тошкент» халқаро аэропортида қизларни Туркияга фоҳишаликка юбораётган икки аёл қўлга олинди. Бу ҳақда Ички ишлар вазирлиги ахборот хизмати хабар берди.
Қайд этилишича, Тезкор қидирув департаменти масъул ходимлари томонидан Ўзбекистондан борган қизларни Туркияда фоҳишалик билан шуғуллантириб келаётган жиноий гуруҳ тўғрисида маълумот олинган.
Суриштирув ишлари давомида ушбу жиноий гуруҳнинг аъзоси икки нафар аёл қизларнинг ишончига кириб, Туркияда фоҳишалик билан шуғуллантириб келгани аниқланган.
Гумонланувчи аёл Андижон ва Сурхондарё вилоятида яшовчи икки нафар қизни «Тошкент» халқаро аэропорти орқали Туркияга юбораётган вақтида қўлга олинган.
Мазкур ҳолат юзасидан Қибрай тумани ички ишлар бўлими ҳузуридаги тергов бўлинмаси томонидан Жиноят кодексининг 135-моддаси 2-қисми «а», «э» бандларига асосан жиноят иши қўзғатилган.
Изоҳ (0)