Farg‘onada YPX inspektori mashinasini piyodalar o‘tish joyida qoldirdi

Farg‘ona viloyati Qo‘qon shahrida 20-yanvar kuni YPX inspektori Tracker’ini piyodalar o‘tish joyida qoldirib ketdi. Viloyat IIB holat yuzasidan ma’lumot berdi.

Qayd etilishicha, Yo‘l-patrul xizmati otryadi komandir o‘rinbosari, mayor Sh.M. xizmatda foydalanish uchun o‘ziga biriktirilgan Tracker rusumli, davlat raqami 40 171 VSF bo‘lgan avtomobilni Alisher Navoiy ko‘chasida piyodalar o‘tish joyida qoldirgan.

Mazkur holat yuzasidan mayor Sh.M.ga nisbatan shu kunning o‘zida Ma’muriy javobgarlik to‘g‘risidagi kodeksning 128-moddasi prim 6-moddasi (transport vositalari haydovchilarining to‘xtash yoki to‘xtab turish qoidalarini buzishi) 1-qismiga asosan ma’muriy bayonnoma rasmiylashtirilib, bazaviy hisoblash miqdorining 2 baravari miqdorida (600 ming so‘m) jarimaga tortilgan.

Mavzuga doir:

• Toshkentda YPX xodimi Nexia oynasini urib sindirdi. IIBB holatni izohladi
• Qoraqalpog‘istonda YPX xodimi radar o‘rnatilgan mashinasida taksichilik qilgani aytilmoqda