O‘zbekistonda soatiga 60 km tezlik bo‘yicha yo‘l belgilari qachondan o‘rnatiladi?

Axborot va ommaviy kommunikatsiyalari agentligida Yo‘l harakati xavfsizligi xizmati matbuot kotibi Aziz Murodov ishtirokida brifing bo‘lib o‘tdi.

Tadbirda Toshkent shahri va viloyatlardagi shaharlarning markaziy ko‘chalarida harakat tezligi pasaytirilishi yuzasidan savollarga javob berildi.

Qayd etilishicha, Yo‘l harakati xavfsizligini ta’minlash bo‘yicha respublika maxsus komissiyasining 3-sonli bayoniga ko‘ra, yuqori tezlik cheklangan ko‘chalar xatlovdan o‘tkazilib, tegishli belgilar bosqichma-bosqich o‘rnatiladi. Ushbu ko‘chalarda o‘rnatilgan maxsus moslamalar ham transport vositalarining tezligini aniqlashda cheklangan tezlikka moslashtiriladi.

Tegishli yo‘l belgilari o‘rnatilib, ko‘chalarda o‘rnatilgan maxsus moslamalar ham transport vositalarining tezligini aniqlashda cheklangan tezlikka, ya’ni 60 kilometr/soat tezlikka moslashtirilgandan so‘ng amalga oshiriladi. Ko‘chalarda taqiqlovchi belgilar o‘rnatilishi bo‘yicha doimiy ommaviy axborot vositalarida va rasmiy saytlar orqali fuqarolarimiz va jamoatchilikka ma’lumotlar berib boriladi.