Фарғона вилояти Қўқон шаҳрида 20 январь куни ЙПХ инспектори Tracker’ини пиёдалар ўтиш жойида қолдириб кетди. Вилоят ИИБ ҳолат юзасидан маълумот берди.
Қайд этилишича, Йўл-патруль хизмати отряди командир ўринбосари, майор Ш.М. хизматда фойдаланиш учун ўзига бириктирилган Tracker русумли, давлат рақами 40 171 VSF бўлган автомобилни Алишер Навоий кўчасида пиёдалар ўтиш жойида қолдирган.
Мазкур ҳолат юзасидан майор Ш.М.га нисбатан шу куннинг ўзида Маъмурий жавобгарлик тўғрисидаги кодекснинг 128-моддаси прим 6-моддаси (транспорт воситалари ҳайдовчиларининг тўхташ ёки тўхтаб туриш қоидаларини бузиши) 1-қисмига асосан маъмурий баённома расмийлаштирилиб, базавий ҳисоблаш миқдорининг 2 баравари миқдорида (600 минг сўм) жаримага тортилган.
Мавзуга доир:
Изоҳ (0)