Amerikalik tadbirkor, Twitter egasi Ilon Mask ijtimoiy tarmoqda Davosdagi Jahon iqtisodiy forumining “dunyoni nazorat qilish”dagi roli mavzusida so‘rovnoma o‘tkazdi.
“Jahon iqtisodiy forumi dunyoni nazorat qilishi kerak”, — deb yozgan Mask hamda tvit ostida uning fikrini ma’qullash yoki rad etish uchun ikkita variant ilova qilgan: “ha” yoki “yo‘q”.
https://twitter.com/elonmusk/status/1615753259972702208
Toshkent vaqti bilan 09:44 ga qadar 1,9 milliondan ortiq kishi so‘rovnomada ovoz bergan. Ko‘pchilik bu tezisni qo‘llab-quvvatlamagan (86,5 foiz), ammo ovoz berganlarning 13,5 foizi Davosdagi forum “dunyoni nazorat qilishi kerak” degan fikrga qo‘shilmoqda.
Mask dolzarb mavzularda tez-tez so‘rovnomalar o‘tkazadi. Xususan, oktabr oyi boshida u Ukrainadagi urushning ehtimoliy yakunlarini tasvirlab, Qrim Rossiyaning bir qismi bo‘lib qolishi va sentabr oxirida Rossiyaga qo‘shilgan to‘rt ukrain hududida BMT nazorati ostida qayta referendumlar o‘tkazishni taklif qilgan. Ushbu post Twitter foydalanuvchilari, Ukraina rasmiylarining tanqidiga sabab bo‘ldi, shuningdek, tadbirkorga tegishli Tesla aksiyalarining pasayishiga olib keldi.
Davos forumi 16-yanvar kuni boshlangan va 20-yanvarga qadar davom etadi. Tashkilot mart oyida Rossiya bilan munosabatlarni muzlatib qo‘ygani sababli forumda Rossiya vakillari ishtirok etmayapti.
Izoh (0)