Rossiyaning Ukrainaga qarshi istilochilik urushiga nuqta qo‘yishi mumkin bo‘lgan yagona narsa — bu ukrainaliklarning g‘alabasi. Bu haqda Niderlaniya tashqi ishlar vaziri Vopke Xukstra ma’lum qildi, deb yozadi Trouw.
“Shunisi mutlaqo aniq-ravshanki, hech narsaga qaramasdan, ushbu nizoni hal qilishning yagona usuli — uni jang maydonida mag‘lub qilish. Shuning uchun Ukrainaga ko‘proq qurol kerak, biz haqiqatni tan olishimiz kerak. Agar o‘z sa’y-harakatalrimizni cheklasak, shu paytgacha qilgan narsalarimizning barchasi yo‘qqa chiqadi”, — dedi Niderlandiya tashqi ishlar vaziri.
Uning aytishicha, Rossiya o‘z hujumi bilan Ukraina energetika inqirozini ham keltirib chiqargan, o‘zining vayronkor xatti-harakatlari bilan iqlim o‘zgarishini tezlashtirib yuborgan.
“Sa’y-harakatlarimizni birlashtirib, bugungi muammolarni hal qilishda muhim rol o‘ynay olishimizga qat’iy ishonaman. Xususan, Ukrainadagi urushda ham”, — dedi Xukstra.
O‘tgan yil dekabrida Vopke Xukstra Rossiyaning Ukrainadagi harakatlarini tekshirish uchun mamlakatda maxsus tribunal o‘tkazishga tayyorligini ma’lum qilgan edi.
Izoh (0)