Rossiya armiyasining umumiy sonini bir yarim million kishiga yetkazish mamlakat xavfsizligini ta’minlash zarurati bilan bog‘liq. Bu haqda Kreml matbuot kotibi Dmitriy Peskov ma’lum qildi.
Peskovning so‘zlariga ko‘ra, ayni damda bir qator G‘arb davlatlari to‘qnashuvlarda bilvosita ishtirok etuvchi proksi urushni amalga oshirmoqda. Aynan shu sababli Rossiya Mudofaa vazirligi xavfsizlikni ta’minlaydigan maxsus choralar ko‘rmoqda. Shu tariqa Peskov Rossiya mudofaa vaziri Sergey Shoyguning prezident qarorini amalga oshirish doirasida 2023-yildan 2026-yilgacha bo‘lgan davrda mamlakat armiyasi soni 1,5 million kishiga yetkazilishi haqidagi bayonotiga izoh bergan.
Bu vazifani bajarish parallel ravishda zarur miqdordagi qurol-yarog‘ yetkazib berish, infratuzilma loyihalarini amalga oshirish bilan birga olib boriladi. Qaror doirasida ikkita yangi harbiy okrug – Moskva va Leningrad va mamlakatning yangi hududlarida o‘zini o‘zi ta’minlaydigan armiya guruhlari paydo bo‘ladi.
Mavzuga doir:
Izoh (1)
15%dan 12%gacha tushirib endi o'zlaricha narxini oshiryabtida bularam. Yo'qot birato'la QQSni. Nima ketardi sizlardan xalqni borini emaganingda...
Jaa shunchalik baquvvat korxona ekansizlar, nimaga inomarkalarga bo'lgan bojini 0% qilish qo'llaringdan kelmaydi...
Xuddi sessiyadagi domlalarga o'xshaysizlar pul masalasida...