Россия армиясининг умумий сонини бир ярим миллион кишига етказиш мамлакат хавфсизлигини таъминлаш зарурати билан боғлиқ. Бу ҳақда Кремль матбуот котиби Дмитрий Песков маълум қилди.
Песковнинг сўзларига кўра, айни дамда бир қатор Ғарб давлатлари тўқнашувларда билвосита иштирок этувчи прокси урушни амалга оширмоқда. Айнан шу сабабли Россия Мудофаа вазирлиги хавфсизликни таъминлайдиган махсус чоралар кўрмоқда. Шу тариқа Песков Россия мудофаа вазири Сергей Шойгунинг президент қарорини амалга ошириш доирасида 2023 йилдан 2026 йилгача бўлган даврда мамлакат армияси сони 1,5 миллион кишига етказилиши ҳақидаги баёнотига изоҳ берган.
Бу вазифани бажариш параллел равишда зарур миқдордаги қурол-яроғ етказиб бериш, инфратузилма лойиҳаларини амалга ошириш билан бирга олиб борилади. Қарор доирасида иккита янги ҳарбий округ – Москва ва Ленинград ва мамлакатнинг янги ҳудудларида ўзини ўзи таъминлайдиган армия гуруҳлари пайдо бўлади.
Мавзуга доир:
Изоҳ (1)
15%dan 12%gacha tushirib endi o'zlaricha narxini oshiryabtida bularam. Yo'qot birato'la QQSni. Nima ketardi sizlardan xalqni borini emaganingda...
Jaa shunchalik baquvvat korxona ekansizlar, nimaga inomarkalarga bo'lgan bojini 0% qilish qo'llaringdan kelmaydi...
Xuddi sessiyadagi domlalarga o'xshaysizlar pul masalasida...