Litva prezidenti Gitanas Nauseda Rossiya rahbari Vladimir Putin Ukrainadagi urush bo‘yicha hisob-kitoblarida xatoga yo‘l qo‘yganini bilishini aytdi. Nauseda Jahon iqtisodiy forumi doirasidagi nutqida bu haqda gapirdi.
“Meni xavotirga solayotgani shundaki, Putin bu urush uchun hisob-kitoblarda xato qilganini tushunadi. U umidsiz. Demak, u iqtisodiy va ijtimoiy ehtiyojlarni e’tiborsiz qoldirib, Rossiyaning barcha kuch va resurslarini jamlay oladi”, — deydi u.
Shu bilan birga, Litva rahbari Ukraina g‘alabasiga ishonishini qayd etdi. “Bu nafaqat Ukrainaning, balki barchamizning g‘alabamiz bo‘ladi”, — dedi Nauseda.
Avvalroq Litva prezidentining ta’lim bo‘yicha maslahatchisi Jolanta Urbanovich respublikada rus tilini chet tili sifatida o‘qitishdan voz kechishni taklif qilgandi. U talabalarga chet tillari sifatida – fransuz, nemis va boshqa tillarni tanlash imkoniyatini ta’minlash zarurligini, buning uchun esa mamlakatga o‘qituvchilar kerakligini qayd etgan.
Izoh (0)