Afg‘onistonning G‘azni, Faryob, Juzjon va Bodg‘is viloyatlarida anomal sovuqdan 18 kishi, jumladan, ayollar va bolalar halok bo‘ldi. Bu haqda Hasht-e Subh Daily xabar berdi.
Ma’lum qilinishicha, G‘azni munitsipaliteti besh kishining jasadini yoqib yuborgan, to‘rt kishining jasadi esa oilasiga berilgan. Ular giyohvand moddalar qabul qilib kelgani aytilmoqda. G‘aznida 100 ming nafar narkoman borligi, ulardan 25 nafari uysiz ekani qayd etilgan.
“Tolibon”ning Juzjon viloyati axborot va madaniyat bo‘limi anomal sovuq va issiqlik ta’minoti yo‘qligi sababli ikki ayol va bir bola halok bo‘lganini ta’kidladi. Faryobdagi manba esa havoning keskin sovishi ortidan bir ayol va bir bola halok bo‘lganini ma’lum qildi. Bodg‘isdagi mahalliy manbalar bir erkak va uch bola anomal sovuq qurboniga aylanganini qayd etadi.
Avvalroq Bag‘lon va Hirot viloyatlarida anomal sovuq oqibatida 25 kishi, jumladan 24 nafar giyohvand va bir nafar cho‘pon halok bo‘lgandi. Bundan tashqari mamlakatda sakkiz mingga yaqin jonivor sovuqdan nobud bo‘lgan.
Izoh (0)