UzAuto Motors 2022-yilda eng ko‘p soliq imtiyozlari berilgan ikkinchi ishlab chiqaruvchi kompaniya bo‘ldi

2022-yilda ishlab chiqarish faoliyati bilan shug‘ullanuvchi 72 348 ta kompaniya tomonidan 39 trln so‘m soliq to‘langan.

Shundan 17,5 trln so‘mi, ya’ni 44,8 foizi 20 ta korxona hisobiga to‘g‘ri keladi (NKMK va OKMK kompaniyalari hisobga olinmagan).   

Ular to‘lagan soliqlar tovar aylanmasining 1/6 qismini (101,3 trln so‘m) tashkil etib, qo‘llagan soliq imtiyozlari miqdori esa 2,6 trln so‘m bo‘lgan.

Berilgan soliq imtiyozlari bo‘yicha Uz-Kor Gas Chemical qo‘shma korxonasi yetakchilik qilmoqda. Kompaniyaga 2022-yilda 1,1 trln so‘m soliq imtiyozlari berilgan.

Bu borada ikkinchi o‘rinda 703 mlrd so‘mlik imtiyozlar bilan UzAuto Motors qayd etilgan. O‘tgan yili eng ko‘p soliq to‘lagan “O‘zbekneftgaz” esa atigi 69 mlrd so‘m soliq imtiyozlariga ega bo‘lgan.

Ushbu soliq to‘lovchilar tomonidan ta’minlangan tushumlar soliq turlari kesimida:

• QQS — 5,3 trln so‘m; 
• Foyda solig‘i — 5,3 trln so‘m; 
• Aksiz solig‘i — 3,4 trln so‘m;
• Yer qa’ridan foydalanganlik uchun soliq — 1,9 trln so‘m;
• JShODS — 834,9 mlrd so‘m;
• Mol-mulk solig‘i — 451,4 mlrd so‘m;
• Yer solig‘i — 315,5 mlrd so‘m;
• Suv resurslaridan foydalanganlik uchun soliq — 106,1 mlrd so‘m.